قازاقستان مۇسىلماندارى ءدىني باسقارماسىنىڭ شاريعات جانە ءپاتۋا ءبولىمى تۇركيا، ءازىربايجان، وزبەكستان، قىرعىزستان ت.ب. ەلدەردىڭ عۇلامالار كەڭەسىمەن، ءپاتۋا سالاسىنا جاۋاپتى عالىمدارمەن اقىلداسا كەلە، بيىلعى رامازان ايىنىڭ باستالاتىن كۇنى بەكىتىلدى.

ورتاق پاتۋاعا سايكەس، قاسيەتتى رامازان ايى 11 ناۋرىزدا باستالادى. ال ءساۋىر ايىنىڭ 5-نەن 6-نا قاراعان ءتۇن – قاسيەتتى قادىر ءتۇنى. 10 ءساۋىر – ورازا ايت مەرەكەسى.

قازاقستان مۇسىلماندارى ءدىني باسقارماسىنىڭ تورالقا ماجىلىسىندە ءپىتىر ساداقاسى ەلىمىز بويىنشا ەكى كەلى ۇننىڭ ورتاشا باعاسى نەگىزىندە 640 تەڭگە بولىپ بەكىتىلدى.

سونداي-اق وزىڭىزگە قاجەتتى وبلىس، قالا، اۋدان جانە اۋىلدىڭ (بارلىعى 6000 ەلدى مەكەن) ورازا جانە ناماز كەستەسىن جوعارى ساپادا pdf فورماتتا muftyat.kz سايتىنان https://www.muftyat.kz/kk/page/ramadan سىلتەمەسى بويىنشا جۇكتەپ الۋعا بولادى.

Abai.kz