قازاقستانداعى ەڭ ىقپالدى بيزنەسمەندەر تىزىمىندە ءۇشىنشى ورىندا تۇرعان بولات وتەمۇراتوۆتىڭ ءىنىسى دانيار وتەمۇراتوۆقا قاتىستى ءىس وتكەن جىلدىڭ قاراشا ايىندا باستالعان ەدى.

"الاياقتىق جاسالدى" دەپ تانىلعان كاسىپكەر وسىعان دەيىنگى سوت شەشىمىمەن 5 جىلعا باس بوستاندىعىنان شەكتەتىلگەن.

پروكۋروردىڭ اپەللياتسيالىق شاعىمى نەگىزىندە ءىس قايتا قارالىپ، جازانى 5 جىلعا باس بوستاندىعىنان ايىرۋ جازاسىنا، قاۋىپسىزدىگى ورتاشا قىلمىستىق-اتقارۋ جۇيەسىندە وتەۋگە اۋىستىرىلدى.

دانيار وتەمۇراتوۆ سوت زالىندا قاماۋعا الىندى.

2023 جىلعى 13 قاراشادان 2024 جىلعى 2 اقپانعا دەيىن قاماۋدا ۇستاۋ ۋاقىتى جازانى وتەۋ مەرزىمىنە، قاماۋداعى ءبىر كۇنى جازانى وتەۋدىڭ 1,5 كۇنى رەتىندە ەسەپتەلەدى.

Abai.kz