سەنبى, 5 ءساۋىر 2025
1099 0 پىكىر 11 ناۋرىز, 2024 ساعات 16:11

اليمەنتتەن جالتارۋ مۇمكىن ەمەس

سۋرەت: mir24.tv

قالالىق جەكە سوت ورىنداۋشىلار پالاتاسىنىڭ باسشىسى ايدىن قايداروۆ،  الماتىدا 18 مىڭنان استام اليمەنت ءوندىرۋ ءىسى قارالىپ جاتقاندىعىن حابارلادى. ونىڭ ايتۋىنشا، اليمەنت قارىزى بويىنشا الماتى قالاسى وزگەلەردەن وق بويى وزىق تۇر ەكەن. تولەنبەگەن اليمەنت كولەمى – 63 ميلليون تەڭگە.

"قارىز مەرزىمى ءۇش ايدان اساتىن 1000 پروبلەمالىق ىستەرگە قاتىستى ءبىز بەلسەندى جۇمىس ىستەپ جاتىرمىز. ءوز ارەكەتتەرىن ءجيى تۇراقتى جۇمىسىنىڭ جوقتىعىمەن اقتايتىن اليمەنت تولەۋشىلەرگە جەكە سوت ورىنداۋشىسى قاماۋعا الۋ جانە شەكتەۋ تۇرىندەگى ماجبۇرلەۋ شارالارىن قولدانادى", – دەدى  الماتىدا وتكەن بريفينگتە ايدىن قايداروۆ.

ول ءوزىنىڭ مىسالىندا ءىرى كولەمدەگى اليمەنتتىك قارىزدى وتەۋ ءۇشىن ءۇش بولمەلى پاتەر بەرىلگەنىن ايتتى. باسقا بورىشكەر پاتەردەگى ۇلەسىن اليمەنت رەتىندە اۋدارعان.

"بورىشكەردىڭ مۇلكىن ماجبۇرلەپ الىپ قويۋ مىسالدارى بار. جىل باسىنان بەرى بارلىعى 10-نان استام بورىشكەردىڭ كولىگى تاركىلەندى. ناتيجەگە جۇرگىزۋشى كۋالىگى دە ءتيىمدى اسەر ەتەدى. بۇگىنگى تاڭدا الماتى قالاسىنداعى جەتە سوت ورىنداۋشىلارى "ياندەكس" سەرۆيسىندە جۇمىس ىستەيتىن قوسىمشا تابىس بويىنشا بورىشكەرلەردى انىقتاۋدا", – دەدى سپيكەر.

الماتى قالالىق جەكە سوت ورىنداۋشىلار پالاتاسى دا جۇمىسسىز بورىشكەرلەردىڭ ءتىزىمىن جاساپ، ەڭبەك بيرجالارى مەن بوس جۇمىس ورىندارى جارمەڭكەلەرى ارقىلى جۇمىسقا ورنالاسۋعا كومەك كورسەتۋگە جىبەرەدى.

قازاقستان رەسپۋبليكاسىنىڭ "نەكە جانە وتباسى تۋرالى" كودەكسىنىڭ 138-بابىنا سايكەس اتا-انا كامەلەتكە تولماعان بالالارىن اسىراۋعا مىندەتتى. پالاتا بورىشكەرلەر اراسىندا بالاعا اليمەنت تولەۋ تۋرالى شارت جاساسۋ مۇمكىندىگى جانە اليمەنت تولەۋدىڭ ءارتۇرلى ادىستەرى تۋرالى ءتۇسىندىرۋ جۇمىستارىن جۇرگىزەدى.

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1496
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4217
46 - ءسوز

بىزگە بەيمالىم باراق حان

جامبىل ارتىقباەۆ 3111