قارجى ءمينيسترىنىڭ مالىمدەۋىنشە، وعان قازاقستان ەكسپورتتايتىن تاۋارلاردىڭ الەمدىك باعاسىنىڭ ءتۇسىپ كەتۋى اسەر ەتكەن.

ءمادي تاكيەۆتىڭ ايتۋىنشا، مەملەكەتتىك بيۋدجەتكە 3 ترلن 224 ملرد تەڭگە تۇسكەن. جوسپار 102,5% ورىندالعان. رەسپۋبليكالىق بيۋدجەتكە 1 ترلن 902 ملرد تەڭگە كىرىستەر تۇسكەن. كىرىستەر بويىنشا جوسپار 396 ملرد تەڭگەگە ورىندالماعان.

«بۇل يمپورتقا قوسىلعان قۇن سالىعى، كورپوراتيۆتىك تابىس سالىعى جانە شيكى مۇنايعا ەكسپورتتىق كەدەن باجى. باستى سەبەپتەردىڭ ءبىرى - نەگىزگى ەكسپورتتىق تاۋارلارعا الەمدىك باعانىڭ تومەندەۋ ءۇردىسى. ماسەلەن، بيىل قاڭتار-اقپاندا مەتالداردىڭ باعاسى ورتا ەسەپپەن 9,1%-عا تومەندەگەن. سونداي-اق، «تەڭىزشەۆرويل» كومپانياسى مۇنايدىڭ ەكسپورت كولەمىن 2022 جىلعى جەلتوقساننان 2023 جىلعى قاڭتارعا اۋىستىرۋىنا بايلانىستى ەكسپورتتىق كەدەن باجىنىڭ سالىعى سالىناتىن شيكى مۇناي ەكسپورتى كولەمىنىڭ 1 ملن تونناعا ازايعانى بايقالادى»، - دەيدى تاكيەۆ.

بۇدان باسقا، جوسپاردىڭ ورىندالماۋىنا بيىل قاڭتارىنان باستاپ 2023 جىلعى قوسىلعان قۇن سالىعى بويىنشا 594 ملرد تەڭگەنىڭ 252 ملرد تەڭگە بورىشتاردى قايتارا باستاۋى اسەر ەتكەن.

Abai.kz