بيىل V دۇنيەجۇزىلىك كوشپەندىلەر ويىندارى قارساڭىندا وتەتىن «ۇلى دالا جورىعى» بىرەگەي مارافون-بايگەسىنىڭ رەسپۋبليكالىق ىرىكتەۋ كەزەڭىنىڭ باستالۋ كۇنى بەلگىلى بولدى.

11 ناۋرىزدا «JORYQ» رەسپۋبليكالىق ات سپورتى فەدەراتسياسىنىڭ پرەزيدەنتى باقىتجان تۇرلىبەكوۆ سولتۇستىك قازاقستان وبلىسىنىڭ اكىمى عاۋەز نۇرمۇحامبەتوۆپەن كەزدەستى.

سۋرەت «JORYQ» رەسپۋبليكالىق ات سپورتى فەدەراتسياسىنىڭ ءباسپاسوز قىزمەتىنەن الىندى

اتاپ ايتقاندا، كەزدەسۋ بارىسىندا ۇلتتىق سپورت تۇرلەرى قاۋىمداستىعىنىڭ قولداۋىمەن وتەتىن مارافون-بايگەنىڭ ۇيىمداستىرۋ ماسەلەلەرى تالقىلاندى.

سونداي-اق جيىن بارىسىندا «ۇلى دالا جورىعى» رەسپۋبليكالىق ىرىكتەۋ تۋرىنىڭ وتەتىن ورنى مەن باستالۋ كۇنى بەلگىلەندى.

وسىلايشا، مارافون-بايگەنىڭ باستالۋ نۇكتەسى رەتىندە پەتروپاۆل قالاسىنداعى ابىلاي حاننىڭ مۇراجاي كەشەنى-رەزيدەنتسياسى انىقتالدى. جوبا 12 مامىردا باستالىپ، 17 مامىردا استانادا اياقتالادى. بۋراباي كۋرورتتىق ايماعىنىڭ، بوتاي مەن بوزوق كونە مەكەندەرىنىڭ كورىكتى جەرلەرىن باسىپ وتەتىن مارافون-بايگەنىڭ جالپى قاشىقتىعى 500 شاقىرىمدى قۇرايدى.

ۇزدىك ۇشتىككە ەنگەن جەڭىمپاز كوماندالار قىركۇيەك ايىنا جوسپارلانعان «ۇلى دالا جورىعى» حالىقارالىق تۋرىنا ليتسەنزياعا يە بولماق.

سۋرەت «JORYQ» رەسپۋبليكالىق ات سپورتى فەدەراتسياسىنىڭ ءباسپاسوز قىزمەتىنەن الىندى

قازىرگى تاڭدا ايماقتىق ىرىكتەۋ تۋرلارى ءجۇرىپ جاتىر، ولاردىڭ جەڭىمپازدارى ۇلتتىق ىرىكتەۋ تۋرىنا جولداما الادى.

رەسپۋبليكالىق ىرىكتەۋ كەزەڭىندە ورناتىلعان ەڭ ۇزدىك جەتىستىكتەر قازاقستاننىڭ رەكوردتار كىتابىنا (KINES) ەنگىزىلەدى.

«ۇلى دالا جورىعى» – جىلقى بالاسىنىڭ ەڭ مىقتى تۇقىمى انىقتالاتىن دالالىق لابوراتورياسى.

Abai.kz