سوڭعى جىلدارى باعدارشامنىڭ سارى ءتۇسى جانعان كەزدە كولىكتەردىڭ توقتاماۋى سالدارىنان  جول كولىك اپاتتارى جيىلەپ كەتكەن. سول سەبەپتەن قازاقستاننىڭ جول ءجۇرۋ ەرەجەسىنە وزگەرىس ەنگىزىلدى.

ەندى مەگاپوليستە جۇرگىزۋشى ازاماتتار باعدارشامنىڭ سارى تۇسىنە وتسە – 36 920 تەڭگە ايىپپۇل تولەيتىن بولادى.

ەرەجە ازىرگە استانا مەن الماتى قالاسىنىڭ ازاماتتارىنا قاتىستى. ەكى قالاعا ەنگىزىلگەن ەرەجە شىمكەنتكە ءساۋىر ايىندا جەتۋى مۇمكىن.

"جول اپاتتارىنىڭ كوبى سارى بەلگى جانعاندا بولادى. باعدارشامنىڭ سارى بەلگىسى قوزعالىسقا تىيىم سالادى. ال، جىپىلىقتاعان جاسىل بەلگى تىيىم سالۋ بەلگىسىنىڭ ىسكە قوسىلاتىنىن ەسكەرتەدى. مۇنداي زاڭبۇزۋشىلىقتار كامەراعا جازىلىپ، كولىك يەسىنە اۆتوماتتى تۇردە ايىپپۇل سالىناتىن بولادى", – دەدى استانا قالاسى پوليتسيا دەپارتامەنتى ءباسپاسوز قىزمەتىنىڭ باستىعى گۇلميرا شراحمەتوۆا.

اتالمىش وزگەرىسكە شىمكەنتتىڭ قالا تۇرعىندارى قارسى.

Abai.kz