حالىق اراسىندا تانىمال، كوپشىلىك تاڭدايتىن بىرنەشە ماماندىق بار. ولار ءار قوعامدا، قانداي جاعداي نەمەسە تارتىپتە بولماسىن سۇرانىسقا يە بولادى. سول ماماندىقتاردىڭ ىشىندە زاڭگەرلىك تە بار.

بۇل ماماندىق يەلەرى مەملەكەتتىك مەكەمەلەردە، زاڭ ورگاندارىندا، ءتۇرلى ۇيىمداردا، شاعىن فيرمالاردا، كاسىپورىنداردا، كوممەرتسيالىق جانە قوعامدىق قۇرىلىمداردا اۋاداي قاجەت.زاڭ  سالاسىندا  بىلىكتى مامان دايارلاۋ جولىندا ءال-فارابي  اتىنداعى قازۇۋ-دىڭ زاڭ فاكۋلتەتى  تاپتىرماس وقۋ ورنى. بولاشاق زاڭگەرلەردى دايىندايتىن فاكۋلتەتىمىزگە كەلەر جىلى 70 جىل تولادى.وسى جىلدار ىشىندە فاكۋلتەت- مىقتى وقىتۋشىلار قۇرامىن جاساقتاپ،ەلىمىزدىڭ اتىن شىعارىپ جۇرگەن مامانداردى دايارلاپ شىعاردى.

زاڭ فاكۋلتەتىنىڭ دامۋىنىڭ بارلىق كەزەڭدەرىندە ونىڭ قىزمەتى قازاقستاننىڭ قوعامدىق ومىرىمەن، ەلىمىزدىڭ ەكونوميكاسىنىڭ قاجەتتىلىگىمەن، قۇقىق سالاسىنداعى جوعارى بىلىكتى عىلىمي، تاجىريبەلى كادرلارمەن قاناعاتتاندىرۋىمەن تىعىز بايلانىستا بولعانىن ايتا كەتكەن ءجون. زاڭ عىلىمى، قۇقىقتانۋ، زاڭ ءىلىمى – قۇقىقتى الەۋمەتتىك نورمالاردىڭ ەرەكشە جۇيەسى رەتىندە زەردەلەيتىن جانە قۇقىقتى قولدانۋ قىزمەتىنىڭ الۋان ءتۇرلى قىرلارىن زەرتتەيتىن قوعامدىق عىلىم. فاكۋلتەتتىڭ  ماقساتى – 
مەملەكەتتىك-قۇقىقتىق ماسەلەلەردى شەشۋگە قابىلەتتى، بىلىكتىلىگى جوعارى زاڭ سالاسىنا مامان دايارلاۋ،ەلىمىزدىڭ قوعامدىق ءومىرى مەن عىلىمىنا، ەكونوميكانىڭ ماڭىزدى باعىتتارىنىڭ قارقىندى دامۋ ماسەلەلەرىن شەشۋگە باعىتتالعان زاماناۋي، جوعارى ءبىلىمدى، باسەكەگە قابىلەتتى ماماندار بۋىنىن قالىپتاستىرۋ. ۋنيۆەرسيتەتتە ءبىلىم بەرۋ ءىسى رەفورماعا سايكەس،وقىتۋدىڭ كرەديتتىك جۇيەسى تولىق كۇشىنە ەنگەن، وقۋ ۇدەرىسىنىڭ اشىقتىعى، ءبىلىم الۋشىلاردىڭ اكادەميالىق بىلىكتىلىگى، «باكالاۆر – ماگيستر – PhD» تۇرىندە ءۇش ساتىلى ماماندار دايىنداۋ قامتاماسىز ەتىلگەن. ۋنيۆەرسيتەتتىڭ جاڭا دامۋ كەزەڭىندە ءال–فارابي اتىنداعى قازۇۋ-دىڭ ءبىلىم رەفورمالارىنا سايكەس وزگەرىستەر ەنگىزىپ،شەتەلدىك ۋنيۆەرسيتەتتەرمەن تىعىز قارىم-قاتىناس ورناتىپ،شاكىرت تاربيەلەۋ جولىندا ۇستازدارىمىز ايانباي ەڭبەك ەتۋدە.

زاڭگەر ماماندىعىن تاڭداپ قانا قويماي ونى بار جان-تانىڭمەن قىزىعىپ ىزدەنىپ، جۇمىس جاساۋ ءار تۇلەكتىڭ وتان الدىنداعى پارىزى دەپ  بىلەمىن. سەبەبى،زاڭ سالاسى ادام ءومىرىنىڭ كەپىلى ىسپەتتەس. شىنايى جانە ادىلەتتى شەشىمدەر قابىلداۋعا،ءتارتىپ ورناتۋعا،ادام ءومىرىنىڭ قاۋىپسىزدىگىنە تىكەلەي جاۋاپتى شاكىرتتەرىمىزگە قوعام الدىندا ارتىلار مىندەتتە مول.قورىتا كەلگەندە مەملەكەت الدىندا، اتا زاڭىمىز الدىندا جاۋاپكەرشىلىكتى سەزىنۋ كەرەك، زاڭگەر ماماندىعىن تاڭداۋ ادام بويىنداعى پاتريوتتىق سەزىمدى ارتتىرۋعا مۇمكىنشىلىك بەرەدى. باستى مىندەت- ءاربىر بولاشاق زاڭگەر دايىنداۋدا، جاقسى مامان بولىپ شىعۋ ءۇشىن تىنباي ەڭبەك ەتىپ،ىزدەنىپ، ساپالى ءبىلىم بەرۋ ءبىزدىڭ ۇلكەن مىندەتىمىز.

جاپاكوۆ س.م

ءال-فارابي اتىنداعى قازۇۋ-دىڭ زاڭ فاكۋلتەتى كەدەن قارجى جانە ەكولوگيالىق قۇقىق كافەدراسىنىڭ اعا وقىتۋشىسى

چجان جۋيسيۋە

ءال-فارابي اتىنداعى قازۇۋ-دىڭ زاڭ فاكۋلتەتى كەدەن قارجى جانە ەكولوگيالىق قۇقىق كافەدراسىنىڭ ءبىلىم الۋشىسى

Abai.kz