اباي مىرزا دەگەن باۋىرىم حح عاسىر باسىنداعى قازاق پۋبليتسيستيكاسىنىڭ ماتەريالدارىن كوپ جاريالايدى.

بۇگىن دە ءبىر پوستىن قاراپ شىقتىم. تۇرار رىسقۇلوۆتىڭ كىتابى، الاش وردانى سىناۋ، حح عاسىر باسىنداعى ساياسي احۋالعا قاتىستى. اباي مىرزانىڭ پوستتارىنا قاشاندا ريزا بولىپ وتىراتىن سەبەبىم بىرەۋ، مەنى حح عاسىردىڭ العاشقى شيرەگى قازاق قوعامىنىڭ ىشكى قۇرىلىمدىق جانە دۇنيەتانىمدىق وزگەرىستەرى قاتتى قىزىقتىرادى. قازاق ەتنوسى جاڭا ساپاعا يە بولىپ، ەڭبەكقور، ىزدەنىمپاز، وقۋعا- عىلىمعا قۇمار حالىق قالىپتاسىپ كەلە جاتىر ەدى. بۇل پروگرەسيۆتى قوعالىس، جاڭعىرۋ 1928 جىلى اياقتالدى، جاپپاي تەررور باستالدى. ءبىزدىڭ اكەي بۇل جىلدى "ۇكىمەت ورناعان جىل" دەپ اتايتىن، ءيا ءتوتاليتاريزمنىڭ جەڭگەنىن ايتقانى. سماحان تورە ونى "قازاق باسىنا بۇرشاق ەمەس، تاس جاۋدى" دەدى.

جاڭا قازاقستاندى الاش وردا پلاتفورماسىنان باستاۋ كەرەك، باسقا جول جوق. گابريەل ماركەستىڭ ء"جۇز جىلدىق جالعىزدىق" دەگەن كىتابى بار ەدى، ءبىزدىڭ حح عاسىردىڭ 20- شى جىلدارىنىڭ سوڭىنان باستالىپ ءححى عاسىردىڭ 20- شى جىلدارىنا دەيىن سوزىلىپ كەلە جاتقان بولشەۆيكتىك-كومسومولدىق تاريحىمىزدى ء"جۇز جىلدىق اداسۋ" دەۋگە بولادى ەكەن. ەگەر مۇمكىندىك بولىپ جاتسا، دەنساۋلىق كوتەرسە وسى تاقىرىپپەن مىقتى ءبىر كىتاپ جازسا دا بولادى ەكەن دەپ قويدىم.

جامبىل ارتىقباەۆتىڭ جەلىدەگى جازباسى

Abai.kz