زاڭ  سالاسىندا  بىلىكتى مامان دايارلاۋ جولىندا ءال-فارابي  اتىنداعى قازۇۋ-دىڭ زاڭ فاكۋلتەتى  تاپتىرماس وقۋ ورنى. بولاشاق زاڭگەرلەردى دايىندايتىن فاكۋلتەتىمىزگە تاريحقا تولى.

وسى جىلدار ىشىندە فاكۋلتەت-مىقتى وقىتۋشىلار قۇرامىن جاساقتاپ، ەلىمىزدىڭ اتىن شىعارىپ جۇرگەن مامانداردى دايارلاپ شىعاردى. ىرگەتاسى قالانعاننان بەرى، زاڭ فاكۋلتەتى كوپتەگەن جاڭعىرتۋلار مەن جاڭارتۋلاردى باسىنان وتكەردى. بۇگىندە زاڭ فاكۋلتەتىندە بولاشاق قۇقىقتانۋ، قۇقىق قورعاۋ قىزمەتى، كەدەن ءىسى ماماندىقتارى بويىنشا ءبىلىم بەرىلەدى.  ستۋدەنتتەردى دايارلاۋ ۇدەرىسى ورتا ءبىلىم جانە جوعارى ءبىلىم نەگىزىندە جۇزەگە اسىرىلادى.

سونىمەن قاتار، زاڭ فاكۋلتەتىنىڭ ستۋدەنتتەرىنىڭ ماگيستراتۋرا جانە PhD دوكتورانتۋراسىنا ءتۇسىپ ءبىلىمىن جالعاستىرۋعا تولىق  مۇمكىندىكتەرى بار. ءوز جۇمىسىن سۇيەتىن، ءوز ءومىرىن قۇقىق سالاسى مەن زاڭ عىلىمدارىنا ارنايمىن دەگەن جانعا، فاكۋلتەت بازاسىندا كەرەك وقۋ قۇرالدارى مەن ماتەريالداردىڭ بارلىعى دەرلىك بار. فاكۋلتەت ءوز ۇستازدارىنا دا ۇنەمى كوڭىل ءبولىپ وتىرادى. فاكۋلتەتتە ساباق بەرەتىن ماماندار جىل سايىن حالىقارالىق كونفەرەنتسيالارعا قاتىسىپ، ءبىلىمىن ارتتىرۋدا. ءارتۇرلى دەڭگەيدەگى، كۇردەلى عىلىمي-تاجىربيەلىك ماسەلەلەردى شەشۋگە تولىق مۇمكىندىگى بار فاكۋلتەتتىڭ – تاجىريبەلى ماماندارى مەن ماتەريالدىق بازاسىنىڭ ارقاسىندا الەۋەتى ايتارلىقتاي  ارتا تۇسۋدە. وقۋ ورنىندا  پروفەسسور مەن عىلىم دوكتورلارى،  عىلىم كانديداتتارى، دوتسەنتتەر، سونىمەن قاتار قر پارلامەنتى، قر ۇكىمەتى، قر پرەزيدەنتى اكىمشىلىگى، قر جوعارى سوتى، قۇقىق قورعاۋ ورگاندارىندا قىزمەت اتقارعان  جوعارى تاجىريبەلى ماماندار ءدارىس وقيدى. مامانداردىڭ باسىم كوپشىلىگى ءتۇرلى شەت تىلدەردى ەركىن مەڭگەرگەن، الىس-جاقىن شەتەلدەردە تاعىلىمدامادان وتكەن مىقتى ماماندار.

زاڭ فاكۋلتەتى جىل سايىن مەملەكەت پەن قۇقىقتىڭ وزەكتى ماسەلەلەرى جونىندە حالىقارالىق جانە رەسپۋبليكالىق كونفەرەنتسيالاردىڭ، سونىمەن قاتار قازاقستان رەسپۋبليكاسى ستۋدەنتتەرى اراسىندا قۇقىق پاندەرىنەن وتكىزىلەتىن ءارتۇرلى وليمپيادالاردىڭ تۇراقتى ۇيىمداستىرۋشىسى بولىپ كەلەدى. فاكۋلتەتتە عىلىمي وقۋ-ادىستەمەلىك ادەبيەتتىڭ باي قورى جيناقتالعان.

سونداي-اق، مۇراعات ماتەريالدارى جيناقتالعان كونە كىتاپحاناسى دا بار. زاڭگەر ماماندىعىن تاڭداپ قانا قويماي ونى بار جان-تانىڭمەن قىزىعىپ ىزدەنىپ، جۇمىس جاساۋ ءار تۇلەكتىڭ وتان الدىنداعى پارىزى دەپ  بىلەمىن. سەبەبى،زاڭ سالاسى ادام ءومىرىنىڭ كەپىلى ىسپەتتەس. شىنايى جانە ادىلەتتى شەشىمدەر قابىلداۋعا،ءتارتىپ ورناتۋعا،ادام ءومىرىنىڭ قاۋىپسىزدىگىنە تىكەلەي جاۋاپتى شاكىرتتەرىمىزگە قوعام الدىندا ارتىلار مىندەتتە مول.

تۋرسىنكۋلوۆا د.ا.،

ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى مەملەكەت جانە قۇقىق تەورياسى مەن تاريحى،كونستيتۋتسيالىق جانە اكىمشىلىك قۇقىق كافەدراسىنىڭ زاڭ عىلىمدارىنىڭ كانديداتى.

ميزاش ارتۋر،

ءال-فارابي اتىنداعى قازاق ۇلتتىق ۋنيۆەرسيتەتى زاڭ فاكۋلتەتىنىڭ ماگيسترانتى.

Abai.kz