قالىڭ قاردىڭ ءالى دە توقتاۋسىز جاۋىنا بايلانىستى كوپ ايماقتاردا سۋ باسۋ قاۋپى جوعارى. بۇل تۋرالى "قازگيدرومەت" رمك وكىلى بايانداپ، ناۋرىزدىڭ سوڭىنا دەيىن وڭىرلەردە قار قارقىندى تۇردە ەريتىنىن ەسكەرتتى.

سەرىك سايروۆ بريفينگتە ەلىمىزدە قار جامىلعىسىنىڭ اۋدانى 72 پايىزدان 66 پايىزعا دەيىن ازايعانىن ايتتى.

بولجام بويىنشا 16-19 ناۋرىز ارالىعىندا اۋا رايى جاۋىن-شاشىنسىز بولىپ، تەمپەراتۋرا جوعارىلايدى.

اي سوڭىندا قازاقستاننىڭ باسىم بولىگىندە قار، بۇرقاسىن، ەكپىندى جەل كۇتىلەدى.

"قازگيدرومەت" ماماندارىنىڭ باعالاۋى بويىنشا ناۋرىزدىڭ سوڭىنا قاراي اۋا تەمپەراتۋراسىنىڭ فونى كوتەرىلىپ، بۇل قاردىڭ قارقىندى ەرۋىنە جانە سۋ باسۋ قاۋپىنە اكەلەدى.

سونداي-اق رەسەيگە شەكارالاس ايماقتارعا، اتاپ ايتقاندا، جايىق وزەنى مەن ونىڭ سالالارىنا، توبىلدىڭ الاپتارىنا ەرەكشە نازار اۋدارۋ قاجەت. قازىر ورىنبور جانە چەليابى وبلىستارىندا، سونداي-اق باشقۇرتستاندا جينالعان قار كولەمىنە بايلانىستى قولايسىز سۋ تاسقىنى جاعدايى قالىپتاستى", – دەدى سايروۆ.

ونىڭ ايتۋىنشا، گيدرولوگيالىق مونيتورينگ 377 گيدرولوگيالىق بەكەتتە جۇرگىزىلەدى.

Abai.kz