وقۋ-اعارتۋ مينيسترلىگىنىڭ ءباسپاسوز قىزمەتى 1 ساۋىردەن باستاپ پەداگوگتەردى مەكتەپكە جۇمىسقا قابىلداۋ بويىنشا جاڭا مودۋل ىسكە قوسىلاتىندىعىن حابارلادى.

ەندى پەداگوگتەردىڭ بارلىق مالىمەتى "پەداگوگ پورتفوليوسى" مودۋلىندە جيناقتالادى. مۇندا پەداگوگ تۋرالى، ونىڭ ءبىلىمى، دەنساۋلىق جاعدايى، جۇمىس تاجىريبەسى، قۇقىق بۇزۋشىلىقتار، اتتەستاتتاۋدان ءوتۋ، ماراپاتتارى جانە تالىمگەرلىك پەن تسيفرلىق قۇجاتتار تۋرالى ەلەكتروندىق اقپارات ساقتالادى.

تسيفرلىق قىزمەت ۇلتتىق ءبىلىم بەرۋ دەرەكتەر قورىنا ەنگىزىلدى. بۇل شارا سىبايلاس جەمقورلىققا قارسى جانە كونكۋرستىق راسىمدەردى اشىق وتكىزۋگە باعىتتالعان.

"اشىقتىق پەن ەسەپتىلىكتىڭ بولۋى سىبايلاس جەمقورلىققا قارسى كۇرەستە باستى ءرول اتقارادى. وسى مودۋلدەردى ەنگىزە وتىرىپ، پەداگوگتەردى جۇمىسقا قابىلداۋ كەزىندە قاعاز جۇزىندەگى قۇجات اينالىمىن جانە سىبايلاس جەمقورلىق تاۋەكەلدەرىن تولىق جويۋ جوسپارلانىپ وتىر. جۇيەنى ىسكە قوسۋ الدىندا باسقارما، بولىمدەر مەن ءبىلىم بەرۋ ۇيىمدارىنىڭ ماماندارى ءۇشىن وقىتۋ ۇيىمداستىرىلدى", – دەدى وقۋ-اعارتۋ مينيسترلىگى تسيفرلاندىرۋ دەپارتامەنتى ديرەكتورىنىڭ ورىنباسارى مايرا مارالباەۆا.

Abai.kz