استانادا "جاس قۇتقارۋشى" بالالار وقۋ ورتالىعىنىڭ اشىلۋى ءوتتى، دەپ حابارلايدى ەلوردا اكىمدىگىنىڭ رەسمي سايتى.

سالتاناتتى اشىلۋ راسىمىنە قر تجم ورتكە قارسى قىزمەت كوميتەتى توراعاسىنىڭ ورىنباسارى مارعۇلان امانباەۆ، قالالىق ءماسليحات توراعاسى ەرلان كاناليموۆ، ەلوردالىق تجد باستىعى مارات كۇلدىكوۆ، تجد ارداگەرلەر كەڭەسىنىڭ توراعاسى قاناتبەك ادەنوۆ، گارنيزوننىڭ جەكە قۇرامى جانە قالا مەكتەپتەرىنىڭ وقۋشىلارى قاتىستى.

ورتالىق ءتۇرلى تاقىرىپتىق جابدىقتارمەن قامتىلعان. ەكى قاباتتى وقۋ ورتالىعىنىڭ ءبىرىنشى زالىندا ءورت ءسوندىرۋ قۇرالدارىنىڭ، حيميالىق جانە رادياتسيالىق قورعانىستىڭ ەكسپوناتتارى، ەكىنشى زالدا حيميالىق قاۋىپتى نىساندا جانە ءورت ءسوندىرۋ بولىمشەلەرىندە توتەنشە جاعدايدى جويۋ جونىندەگى ماكەت، جول-كولىك وقيعاسى كەزىندە قۇتقارۋشىلار جۇمىسىنىڭ كورنەكى ۇلگىسى، بالالارعا اپاتتىق-قۇتقارۋ جۇمىستارى تۋرالى بەينەروليكتەر كورسەتۋگە ارنالعان ورىن توتەنشە جاعدايلاردى جويۋ جانە ازاماتتىق قورعانىستىڭ قۇرىلۋ تاريحى قويىلعان.

ءورت بولعان جەرلەردەن زاتتاردى كورنەكى تۇردە كورسەتەتىن بۇرىش تا بار. بالالارعا ارنالعان ورتالىقتا زارداپ شەككەندەردى ىزدەۋ مەن قۇتقارۋدىڭ ارنايى ءلابيرينتى، وقىتۋ ساباقتارى قاراستىرىلعان.

وقۋ ورتالىعىن قۇرۋدىڭ نەگىزگى ماقساتى - بالالارعا قاۋىپسىز مىنەز-قۇلىق ەرەجەلەرىن قولجەتىمدى فورمادا ۇيرەتۋ، ءارتۇرلى توتەنشە جاعدايلار تۋىنداعان كەزدە ءوزىن قالاي ۇستاۋ كەرەكتىگىنە باۋلۋ.

Abai.kz