«اMANAT» پارتياسى مەملەكەت باسشىسىنىڭ تاپسىرماسىن ىسكە اسىرۋ ءۇشىن بىلتىردان باستاپ ازاماتتارعا قارجىلىق ءبىلىم بەرۋ ماقساتىندا «قارىزسىز قوعام» جوباسىن ىسكە اسىرا باستادى. اتالعان جوبا اياسىندا استانا قالاسى بويىنشا بيىل 9300 ازاماتتى قارجىلىق ساۋاتتىلىققا وقىتۋ جوسپارلانىپ وتىر، دەپ حابارلادى ەلوردا اكىمدىگىنىڭ رەسمي سايتى.

ءدال قازىرگى تاڭدا ونىڭ 1500-گە جۋىعى سەمينارلاردا ءدارىس الىپ شىقتى.

جالپى، جوبانىڭ ماقساتى – مەملەكەتتىك ورىندارمەن بىرلەسە وتىرىپ، حالىقتىڭ ءال-اۋقاتىن كوتەرۋگە، ازاماتتاردىڭ ءومىر ءسۇرۋ ساپاسىن ارتتىرۋعا ىقپال ەتۋ.

«قارىزسىز قوعام» جوباسىن جۇزەگە اسىرۋ ءۇشىن التى باعىت جاساقتالعان. «امانات» پارتياسى استانا قالاسى فيليالى اتقارۋشى حاتشىسىنىڭ مىندەتىن اتقارۋشى مۇحاممەد بولىسبەك جوبانىڭ نەگىزگى باعىتتارىنا توقتالدى.

جوبا ۇيىمداستىرۋشىلارىنىڭ مالىمەتىنشە، قارجىلىق ساۋاتتىلىقتى ارتتىرۋعا ارنالعان كۋرستار بەس كۇنگە سوزىلادى ءارى تەگىن وقىتىلادى. مامانداردان قۇرالعان توپ تەك قالالاردا عانا ەمەس، سەگىز ايماققا شىعىپ، سونىڭ ىشىندە اۋىلدىق جەرلەردە وقۋ سەمينارلارىن وتكىزدى. وندا ازاماتتار كىرىستەر مەن شىعىستاردى جوسپارلاۋ، نەسيەلەردى وتەۋ مەن تاۋەكەلدەردى باسقارۋ، سونداي-اق جيناق اقشالارىن قارجى قۇرالدارىنا ساۋاتتى سالۋ بويىنشا ءبىلىم الۋعا مۇمكىندىك الادى. مۇندا تەك كەڭەس الىپ قانا قويماي، بارلىق نيەت بىلدىرۋشىلەر ءوز ءىسىن اشۋ ءۇشىن ءوز بيزنەس-جوسپارىن تۇزۋگە دە ۇيرەنەدى.

ايتا كەتەيىك، استانا قالاسىندا قارجىلىق ساۋاتتىلىققا ۇيرەتەتىن ساراپشىلار قىزمەت ەتەدى. ولار ءار اپتادا جاڭا توپتى وقىتىپ شىعارۋدا.

Abai.kz