قاسيەتتى رامازان ايى مەن ناۋرىز مەرەكەسىنە وراي ەلوردادا كومەككە مۇقتاج تۇرعىندارعا ازىق-تۇلىك سەبەتتەرى تاراتىلدى. اكتسيا «يگى ىستەر مارافونى» اياسىندا وتكىزىلدى، دەپ حابارلايدى استانا اكىمدىگىنىڭ رەسمي سايتى.

ءىس-شارانى ەلوردا اكىمدىگى Qazaq oil كومپانياسىمەن جانە «استانا جاستارى» ەرىكتىلەرىمەن بىرلەسىپ ۇيىمداستىردى.

«2023 جىلدىڭ ناۋرىز-جەلتوقسان ايلارى ارالىعىندا استانادا مۇقتاج ازاماتتارعا 4000-نان استام ازىق-تۇلىك جيىنتىعى تاراتىلدى. بۇل جولى 1000-نان استام ازىق-تۇلىك جيىنتىعى از قامتىلعان وتباسىلار، كوپ بالالى انالار، ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلار، زەينەتكەرلەر جانە تولىق ەمەس وتباسىلار سياقتى حالىقتىڭ الەۋمەتتىك وسال توپتارىنا تاراتىلادى. قوراپتىڭ سالماعى 45 كەلى جانە بارلىق جۇكتىڭ سالماعى 45 توننادان اسادى. ازىق-تۇلىك قورجىنىندا ۇن، قانت، قاراقۇمىق، كۇرىش، ماكارون، بالالارعا ارنالعان تاتتىلەر سياقتى قاجەتتى تاۋارلار بار»، - دەدى استانا اكىمىنىڭ كەڭەسشىسى قۋانىش مولدابەك.

ەلوردادا ازىق-تۇلىك سەبەتتەرى جىل سايىن تاراتىلادى. «يگى ىستەر مارافونى» قايىرىمدىلىق اكتسياسى جىل سوڭىنا دەيىن جالعاسادى.

Abai.kz