ەلوردانىڭ تۇرعىن ءۇي باسقارماسى Elorda zhastary باعدارلاماسى بويىنشا ىرىكتەۋ ناتيجەسىن جاريالادى، دەپ حابارلايدى استانا اكىمدىگىنىڭ رەسمي سايتى.

Elorda zhastary تۇرعىن ءۇي باعدارلاماسى بويىنشا ىرىكتەۋ ناتيجەلەرىن قالانىڭ تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ سايتىنان جانە zhilfond.kz پورتالىنان كورۋگە بولادى.

ولار ءۇش تىزىمدە جاريالاندى: «ماقۇلداندى»، «ماقۇلداندى – رەزەرۆ» جانە «ماقۇلدانبادى».

«ماقۇلداندى» تىزىمىندەگى ازاماتتارعا ءوتىنىم بەرۋ كەزىندە كورسەتىلگەن ەلەكتروندىق پوشتاعا («سپام» پاپكاسىندا بولۋى مۇمكىن), «وتباسى بانك» اق جىبەرۋدىڭ ەلەكتروندىق نۇسقاسى جىبەرىلدى، ونى باسىپ شىعارىپ تولەم قابىلەتتىلىگىن باعالاۋ ءۇشىن استانا قالاسىنداعى «وتباسى بانك» اق كەز كەلگەن بولىمشەسىنە 10 جۇمىس كۇنى ىشىندە جۇگىنۋ قاجەت. «وتباسى بانك» اق جولداما العان ساتتەن باستاپ 10 جۇمىس كۇنى ىشىندە جۇگىنبەۋ جاعدايىندا، تۇرعىن ءۇي ورتالىعى جولدامانىڭ كۇشىن جويۋعا قۇقىلى.

«ماقۇلداندى – رەزەرۆ» تىزىمىندەگى ازاماتتار باعدارلامانىڭ نەگىزگى شارتتارىنا سايكەس كەلەدى، الايدا از بالل جيناۋىن جانە ءليميتتىڭ اياقتالۋىن ەسكەرە وتىرىپ، رەزەرۆتىك تىزىمگە ەنگىزىلگەن. ەگەر ماقۇلدانعانداردىڭ نەگىزگى تىزىمىنەن بانكتە تولەم قابىلەتتىلىگىن راستاماعاندار بولسا، تولەم قابىلەتتىلىگىن وتۋگە جولداما تىزىمدەگى كەزەكتىلىككە سايكەس ماقۇلدانعانداردىڭ رەزەرۆتىك تىزىمىنەن ازاماتتارعا بەرىلەتىن بولادى.

«ماقۇلدانبادى» تىزىمىندەگى ازاماتتار birge.astana.kz پورتالىنداعى جەكە كابينەتتە تولىعىراق تانىسۋعا بولاتىن سەبەپتەر بويىنشا باعدارلاما تالاپتارىنا سايكەس كەلمەيدى.

Abai.kz