“شاڭىراق” كۇنىندە ەلورداداعى مۋزىكالىق جاس كورەرمەن تەاترىندا «باقىتتى شاڭىراق يەلەرى» اتتى ءىس-شارا ۇيىمداستىرىلدى. جاس وتباسىلاردىڭ ونەگەلى ءومىرى مەن شىعارماشىلىعىن دارىپتەۋ ماقساتىنداعى مەرەكەلىك جيىندا بالانىڭ العاشقى قادامدارىمەن بايلانىستى «تۇساكەسەر» ءراسىمى ءوتتى، دەپ حابارلايدى ەلوردا اكىمدىگىنىڭ رەسمي سايتى.

ناۋرىز – تۋىستىق بايلانىستاردى ساقتاۋعا جانە قادىرلەۋگە ۇندەيتىن وتباسىلىق مەرەكە. 17 ناۋرىزدىڭ تاقىرىبى وتباسى ينستيتۋتىنىڭ ماڭىزدىلىعىمەن بايلانىستى بولعاندىقتان، تۋىستىق قارىم-قاتىناستاردى نىعايتۋعا سەبەپ بولادى. وسى باعىتتا مۋزىكالىق جاس كورەرمەن تەاترىندا 14 وتباسى جەمىستى ەڭبەك ەتىپ جاتىر. شىعارماشىلىق الەمىندە ولاردىڭ وزدەرىنىڭ قولتاڭبالارى بار. سونداي جۇپتاردىڭ ءبىرى – تەاتردىڭ بەلدى اكتەرى سالامات مۇقاشەۆ پەن تەاتر قىزمەتكەرى ايدانا ەڭگەباي. بۇگىندە جاس جۇپ ەكى ۇل تاربيەلەپ وتىر. كەش بارىسىندا كىشى ۇلدارى ءالي-احمەت ءبۇلدىرشىننىڭ تۇساۋى كەسىلدى.

Abai.kz