ادالبەك احمادي. قاشانعى شىداي بەرەسىڭ...

«بازارعا بارعىم كەلمەيدى».
تەمىرحان

ورتەنىپ كەتتى-تاۋارىم،
ورتەنىپ جاتىر ميىمدا.
قازانات قايران قازاعىم،
قالدى عوي قاراپ تيىنعا.

ورتەنىپ كەتتى-تاۋارىم،
بازارعا شىققىم كەلمەيدى.
قينالعان قالىڭ قازاعىم،
ءۇمىتتىڭ شامى سونبەيدى.

ءۇمىتىن ەلدىڭ اقتايتىن،
ءبىر اكىم كەرەك جانى ادال.
قازاقتى قالاي سوتتايسىڭ؟!
سوتتايسىڭ!..
وعان جوق امال!

ورتەنىپ كەتتى بار مۇلىك،
ورتەندى جانە ۇرلاندى.
دالادا قالدىم قاڭعىرىپ،
الساڭشى قۇداي قۋ جاندى!

نە دەيىن بيلىك مەن ساعان،
ەكەنسىڭ سەندە تاس جۇرەك!..
كەمپىر مەن شالدى قاۋساعان،
باعادى قالاي جاس تۇلەك؟!

باعادى قالاي بالاسىن،
بازاردى كەزگەن مۇگەدەك؟!
قۇشاقتاپ بابا مولاسىن،
ءۇمىتىم بەيباق تۇنەمەك!

قاشاڭعى شىداي بەرەسىڭ؟!.
قازاعىم مەنىڭ بۇگەجەك!..
اقشانىڭ قۋىپ ەلەسىن،
جۇرەگىم تاعى جۇدەمەك.

بازارعا بارعىم كەلمەيدى.
قالدى عوي جۇرەك شايلىعىپ.
سەنى دە مەنى جەر جەيدى،
جۇرە تۇر ءازىر اي ءمىنىپ...
ادال بەك!!!

29.11.2013 جىل. ءتۇن.

Abai.kz