ەكىباستۇز قالاسى اكىمىنىڭ رەسمي سايتىن قاراپ وتىرىپ، مىناداي ورەسكەل قاتەگە كەزدەستىم. سايتقا 2013 جىلدىڭ 15 مامىرىندا ورنالاستىرىلعان «وتباسى تىنىشتىعىنىڭ بۇزۋشىلارى ءۇشىن – قورعاۋ نۇسقاماسى» دەگەن ماتەريالدىڭ باسىندا مىناداي سويلەم تۇر: «قازاقستان حالقىنا «ستراتەگيا-2050» جولادۋىندا مەملەكەت ەلباسىسى جاڭا كەزەڭدە الەۋمەتتىك ساياساتىنىڭ انالار مەن بالالار قورعاۋى، ايەلگە انا، جۇبايى، قىزى رەتىندە سىپايى قاتىناس قۇرامدى ماڭىزدى بولىگى بولىپ تابىلاتىنىن اتاپ شىقتى». ەلباسى دەگەن ءسوزدى ەلباسىسى, جولداۋىندا دەگەندى جولادۋىندا دەپ جازعان ماقالا اۆتورى رەسمي قۇجاتتىڭ اتاۋىن دا دۇرىس جازۋعا ەرىنگەنگە ۇقسايدى. دۇرىسى «قازاقستان-2050» ستراتەگياسى - قالىپتاسقان مەملەكەتتىڭ جاڭا ساياسي باعىتى» ەمەس پە؟ ەگەر مۇنداي قاتە جاي ءبىر باياندامادا كەتىپ جاتسا، بالكىم، ونشا تاڭعالماس تا ەدىك. بىراق مەملەكەتتىك قىزمەتكەر اكىمنىڭ رەسمي سايتىندا نە مەملەكەتتىك قۇجات اتاۋىن، نە پرەزيدەنت ءسوزىنىڭ بالاماسىن جازا الماي، ساياسي ساۋاتسىزدىق تانىتىپ وتىرعان سوڭ، ءۇنسىز قالۋعا ءداتىمىز بارمادى. ءبىز اتاپ وتىرعان ماقالانىڭ اتاۋىندا دا اعاتتىق بار: تىنىشتىعىنىڭ بۇزۋشىلارى ەمەس، تىنىشتىعىن بۇزعاندار بولماي ما.

ەكىباستۇز قالاسى اكىمىنىڭ رەسمي سايتىن قاراپ وتىرىپ، مىناداي ورەسكەل قاتەگە كەزدەستىم. سايتقا 2013 جىلدىڭ 15 مامىرىندا ورنالاستىرىلعان «وتباسى تىنىشتىعىنىڭ بۇزۋشىلارى ءۇشىن – قورعاۋ نۇسقاماسى» دەگەن ماتەريالدىڭ باسىندا مىناداي سويلەم تۇر: «قازاقستان حالقىنا «ستراتەگيا-2050» جولادۋىندا مەملەكەت ەلباسىسى جاڭا كەزەڭدە الەۋمەتتىك ساياساتىنىڭ انالار مەن بالالار قورعاۋى، ايەلگە انا، جۇبايى، قىزى رەتىندە سىپايى قاتىناس قۇرامدى ماڭىزدى بولىگى بولىپ تابىلاتىنىن اتاپ شىقتى». ەلباسى دەگەن ءسوزدى ەلباسىسى, جولداۋىندا دەگەندى جولادۋىندا دەپ جازعان ماقالا اۆتورى رەسمي قۇجاتتىڭ اتاۋىن دا دۇرىس جازۋعا ەرىنگەنگە ۇقسايدى. دۇرىسى «قازاقستان-2050» ستراتەگياسى - قالىپتاسقان مەملەكەتتىڭ جاڭا ساياسي باعىتى» ەمەس پە؟ ەگەر مۇنداي قاتە جاي ءبىر باياندامادا كەتىپ جاتسا، بالكىم، ونشا تاڭعالماس تا ەدىك. بىراق مەملەكەتتىك قىزمەتكەر اكىمنىڭ رەسمي سايتىندا نە مەملەكەتتىك قۇجات اتاۋىن، نە پرەزيدەنت ءسوزىنىڭ بالاماسىن جازا الماي، ساياسي ساۋاتسىزدىق تانىتىپ وتىرعان سوڭ، ءۇنسىز قالۋعا ءداتىمىز بارمادى. ءبىز اتاپ وتىرعان ماقالانىڭ اتاۋىندا دا اعاتتىق بار: تىنىشتىعىنىڭ بۇزۋشىلارى ەمەس، تىنىشتىعىن بۇزعاندار بولماي ما. ونىڭ ۇستىنە، … بالالار قورعاۋى، ايەلگە انا، جۇبايى، قىزى رەتىندە سىپايى قاتىناس قۇرامدى ماڭىزدى بولىگى دەپ شۇباتىلعان سويلەمنەن كىم نە ۇققانداي؟ قايسىبىرىن تەرە بەرەيىك، جالپى، سايت ماقالاسىنداعى «ايەلدەرگە جاناشىر» ماقالانىڭ قاتەسىنەن «اياق الىپ جۇرگىسىز»: قورعاۋ-نۇسقاما (دۇرىسى: قورعاۋ نۇسقاماسى), كۇيەۋنەن (كۇيەۋىنەن), قالا (قالالىق) ىشكى ىستەر باسقارماسىنىڭ، جيە ء(جيى), قورقاننان (قورىققاننان). جارايدى، ءبارىن ايتىپ تاۋىسا الماسپىز، ايتسە دە سان قاتەنىڭ ەڭ قىزىعى مىناۋ بولدى: «ەگەر، سىزگە نەمەسە جاقىندارىڭىزعا تۇرمىستىق زورلىق-زومبىلىق جاسالسا، ۇندەمەڭىز!!!». شىنىمدى ايتسام، ءاۋ باستا ۇندەمەستەن بارىپ قۇقىققورعاۋشىلارعا سىبىرلاپ ايتا قويۋ كەرەك، سوندا وزدەرى ءبىر شارا قولدانادى ەكەن دەپ ويلاپ قالدىم. الايدا ورىسشاسى «ەسلي ۆى يلي ۆاشي بليزكيە، زناكومىە پودۆەرگليس بىتوۆومۋ ناسيليۋ، نە مولچيتە!!!» ەكەن. ماتەريال اۆتورى - ەكىباستۇز قىىب ايەلدەردى زورلىق-زومبىلىقتان قورعاۋ توبىنىڭ اعا ينسپەكتورى ا.گ.التاەۆانىڭ بولىمسىزدىق ەتىستىگىن ءتارجىمالايمىن دەپ شاتاسىپ، مولچات - ۇندەمەۋ، ال نە مولچات كەرىسىنشە، ۇندەمەي قالماۋ ماعىناسىندا ەكەنىنە ميى جەتپەسە كەرەك. جانە ايتپايىن دەسەڭ ءتىلىڭدى قىشىتاتۇعىن تاعى ءبىر نارسە: «ەگەر» شىلاۋىنان سوڭ ءۇتىر قويىلمايدى، سويلەم ورتاسىندا كەلىپ تۇرعاندىقتان ء«سىز» جىكتەۋ ەسىمدىگى باس ارىپپەن جازىلمايدى!  
وسىلايشا، وتباسىنداعى زورلىق-زومبىلىقپەن كۇرەسكە بەل شەشە كىرىسۋ جولىندا ا.التاەۆا مەملەكەتتىك تىلىمىزگە وبال جاساپتى. ەڭ سوراقىسى، ونى سايت يەلەرى – قالا اكىمدىگى قىزمەتكەرلەرىنىڭ بىرەۋى وقىپ، «مۇنىڭ قالاي؟» دەمەگەنى.
قالا اكىمى سايتىنا «دليا گالوچكي» نەنى قويسا، ونى قويسىن، بىراق الداعى ۋاقىتتا ءتىلىمىزدى بۇلايشا قورلاپ، ەلباسىمىزدى «ەلباسىسى» دەپ قاتە جازعانداردىڭ «كىر-قوقىسىن» كوپشىلىك نازارىنا ۇسىنىپ، نامىسىمىزعا تيمەسە ەكەن. 
ەراسىل مۇساەۆ،
ەكىباستۇز قالاسى

"حالىق ءسوزى" گازەتى