بۇلاي دەۋىمىزگە بۇگىن استانادا ەسەپ بەرۋگە كەلگەن ۇلتتىق قازعارىش اگەنتتىگى توراعاسىنىڭ ورىنباسارى مەيىربەك مولدابەكوۆتىڭ پرەزيدەنت جانىنداعى ورتالىق كوممۋنيكاتسيالار قىزمەتىندە جۋرناليستەرگە بەرگەن جاۋابى سەبەپ.

–  ويتكەنى، – دەيدى شەنەۋنىك، بايقوڭىردىڭ نەگىزگى تابىس كوزى وسى ۋلى گەپتيلدى «پروتونم» زىمىران تاسىعىشى. نەگىزگى قارجى كوممەرتسيالىق ۇشىرۋلاردان، بايلانىس جەر سەرىگىنەن تۇسەدى. بۇل جەر سەرىكتەرى وتە اۋىر، ولاردى تەك «پروتون» كومەگىمەن ۇشىرۋ كەرەك.

بۇلاي دەۋىمىزگە بۇگىن استانادا ەسەپ بەرۋگە كەلگەن ۇلتتىق قازعارىش اگەنتتىگى توراعاسىنىڭ ورىنباسارى مەيىربەك مولدابەكوۆتىڭ پرەزيدەنت جانىنداعى ورتالىق كوممۋنيكاتسيالار قىزمەتىندە جۋرناليستەرگە بەرگەن جاۋابى سەبەپ.

–  ويتكەنى، – دەيدى شەنەۋنىك، بايقوڭىردىڭ نەگىزگى تابىس كوزى وسى ۋلى گەپتيلدى «پروتونم» زىمىران تاسىعىشى. نەگىزگى قارجى كوممەرتسيالىق ۇشىرۋلاردان، بايلانىس جەر سەرىگىنەن تۇسەدى. بۇل جەر سەرىكتەرى وتە اۋىر، ولاردى تەك «پروتون» كومەگىمەن ۇشىرۋ كەرەك.

ول 2018 جىلعا قاراي قازاقستان «زەنيت» عارىشتىق-زىمىران كەشەنىن مودەرنيزاتسيالاپ، ەكولوگيالىق تۇرعىدان تازا زىمىران تاسىعىشتى ۇشىرۋدى جوسپارلاپ وتىرعانىن جەتكىزدى.  
– الايدا بۇل «پروتون» زىمىران تاسىعىشى 2018 جىلى تولىعىمەن جابىلادى دەگەن ءسوز ەمەس. ول بىرتىندەپ ۇشۋىن ازايتا تۇسەتىن بولادى. ويتكەنى، «زەنيت» تە ۇشۋعا ۇيرەنۋى ءتيىس. «زەنيتتى» ۇشىرۋ كوبەيگەن سايىن، «پروتوندى» ۇشىرۋ ازايا تۇسپەك، – دەدى ول.
تاعى ءبىر ماسەلە عارىشتىق  سالا شەنەۋنىگى 2004 جىلدان بەرگى رەسەيمەن جاسالعان كەلىسىم بويىنشا، «پروتونداردى» ۇشىرۋدى بىرتىندەپ ازايتۋ كوزدەلگەن. الايدا قازاقستاننىڭ ونى مۇلدەم ۇشىرماي تاستاۋعا ءداتى جەتپەيدى.
سونداي-اق، 20 جىل بويى ۇشادى دەپ دايىندالعان قازاق عارىشكەرلەرىن ۇشىرۋ ماسەلەسىنىڭ دە بەلگىسىز ۋاقىتقا شەگەرىلگەنىن ايتقان ول رەسەي فەدەراتسياسىنىڭ بايقوڭىر قالاسىنا جىل سايىن 40 ميلليون دوللار تولەيتىندىگىن جەتكىزدى.

– ولار بايقوڭىر كەشەنىن جالعا العانى ءۇشىن 115 ميلليورن دوللار تولەيدى، ال عارىش ايلاعىنداعى ينفراقۇرىلىمداردىڭ وبەكتىسىن پايداعا بەرۋ جانە قالانى كوركەيتۋ ءۇشىن جىلىنا تاعى 100 ميلليون دوللار تولەيدى، – دەدى ول.

سونداي-اق، 2 شىلدەدەگى «پروتونم» زىمىران تاسىعىشىنان كەلگەن زالالدىڭ وتەماقىسىنا بايلانىستى دا ەكىۇشتى جاۋاپ قاتتى شەنەۋنىك. ونى دا رەسەيدىڭ قۇزىرىنا بەرگەن سىڭايلى. ءارى كوكەيىمىزدە قالعان تاعى ءبىر ساۋال –ەسەپ بەرۋگە قازعارىش اگەنتتىگىنىڭ توراعاسى تالعات مۇساباەۆتىڭ ءوزى نەگە كەلمەدى بولدى؟ الايدا بۇل ساۋالعا جاۋاپ بولمادى. 

ەسەن باينۇر

"تۇركىستان" گازەتى