كوپتەن ەل كوزىنە كورىنبەي كەتكەن استانانىڭ ەكس-اكىمى التاي كولگىنوۆ قازاقستاننىڭ ەستونياداعى ەلشىسى قىزمەتىنە كىرىسىپ كەتتى. بۇل تۋرالى قر سىرتقى ىستەر مينيسترلىگى حابارلادى. 

"قازاقستاننىڭ ەستونياداعى ەلشىسى التاي كولگىنوۆ ەستونيا پرەزيدەنتى الار كاريسكە سەنىم گراموتاسىن تاپسىردى. اڭگىمەلەسۋدەن كەيىن ەستونيا پرەزيدەنتى قازاقستان ەلشىسىن قىزمەتكە كىرىسۋىمەن قۇتتىقتاپ، ساتتىلىك تىلەدى", - دەلىنگەن رەسمي اقپاراتتا.

كولگىنوۆ وسىعان دەيىن 2022-2023 جىلدارى پرەمەر-ءمينيستردىڭ ورىنباسارى بولىپ قىزمەت ەتكەن. ال وعان دەيىن 2019-2022 جىلدارى استانا قالاسىن باسقارعان. 2016-2019 جىلدارى باتىس قازاقستان وبلىسىندا باسشى بولعان.

Abai.kz