اتىراۋداعى سۋ تاسقىنىنا قارسى قۇرىلىستاردى ۆيتسە-پرەمەر قانات بوزىمباەۆ تەكسەردى.

- تەكسەرىلگەن العاشقى نىسان "سوكولوك" ارناسى بولدى. 32 شاقىرىمعا سوزىلعان جايىق وزەنىنىڭ ۇلكەن سۋ اعىسىن اتىراۋعا قاراي باعىتتاۋعا ارنالعان. "سوكولوك" قالانى اينالىپ ءوتىپ، جايىق پەن كاسپي تەڭىزىن قوسادى جانە سەكۋندىنا 100 تەكشە مەتر سۋ قابىلداي الادى. سونداي-اق، ۆيتسە-پرەمەر ۇزىندىعى 24 شاقىرىم بولاتىن جاڭا ارنانىڭ جۇمىسىن تەكسەردى، - دەپ حابارلادى ۇكىمەتتىڭ ءباسپاسوز قىزمەتى. 

اتىراۋدا سۋ تاسقىنىنىڭ شارىقتاۋ شەگى شامامەن 4-5 كۇننەن كەيىن بولادى دەپ بولجانۋدا. 12 مامىردا سۋ دەڭگەيى 1 سم-گە كوتەرىلىپ، 539 سم-گە جەتتى. وسىعان بايلانىستى ۆيتسە-پرەمەر جاعالاۋدىڭ سۋ شايىپ كەتەتىن جەرلەرىندە بوگەتتەردى نىعايتۋدى تاپسىردى.

Abai.kz