ۇلتتىق ەكونوميكا ءمينيسترى نۇرلان بايبازاروۆ قازاقستاندا مەرەكە كۇندەرى مەن قولايسىز اۋا رايى جاعدايىندا تاكسيلەردىڭ باعانى تىم شارىقتاتۋىنا شەكتەۋ قويۋ جوسپارلانعانىن حابارلادى.

تۇسىندىرۋىنشە، ياندەكس تاكسي قىزمەتىنە سۇرانىس جوعارى ۋاقىتتا ءۇش ايدا بەس رەتتەن ارتىق قولدانا المايدى. ياعني اتالعان مەرزىم ىشىندە ونىڭ باعانى ءۇش ەسەدەن ارتىق ەتىپ بەس رەتتەن كوپ بەلگىلەۋىنە جول بەرىلمەيدى.

مينيستر جاۋابىنداعى مالىمەتكە سۇيەنسەك، 2024 جىلدىڭ العاشقى ءۇش ايىندا 238 مىڭ تاپسىرىستىڭ باعاسى ءۇش ەسەلەنگەن كوەففيتسيەنتتەن اسىپ تۇسكەن. بۇل جالپى تاپسىرىس كولەمىنىڭ 0,15 پايىزىن قۇرايدى.

"بۇل تاريف 2023 جىلدىڭ جەلتوقسانىندا ىسكە قوسىلىپ، 2024 جىلدىڭ ءبىرىنشى توقسانىندا وسى تاريف بويىنشا شامامەن 4,5 ملن ساپار جۇزەگە اسىرىلدى", – دەلىنگەن ءمينيستردىڭ جاۋابىندا.

Abai.kz