قولجازبالار جانە سيرەك كىتاپتار ۇلتتىق ورتالىعىنىڭ قىزمەتكەرلەرى اباي وبلىسىنا عىلىمي ەكسپەديتسيامەن باردى. سەمەيدە ەكسپەديتسيا قاتىسۋشىلارى بىرنەشە تاريحي جەرلەردى ارالادى.

جەرگىلىكتى مەشىتتەن XIX-XX عاسىرداعى مىڭداعان سيرەك قۇندى قولجازبا تابىلدى، ونىڭ 27-ءسى ورتالىققا تابىستالدى. كىتاپتار قاتارىندا ابدۋللا ءرۋميدىڭ «ەسكى تۇركى ءتىلى» كىتابى، «قىرىق حاديس» ءتارجىماسى، بۇكىل سوۆەتتەر سويۋزىنداعى بارلىق مۇسىلماندارعا ءمۇدجراح، توتە جازۋداعى ولەڭدەر، تاعى دا باسقا مۇرالار بار.

ەكسپەديتسيا مۇشەلەرى عالىم-تاريحشى امانتاي يساۇلىنىڭ جەكە عىلىمي كىتاپحاناسىمەن تانىسىپ، عالىمنىڭ قولىنان 15 قولجازبا مەن سيرەك كىتاپتاردى ۇلتتىق ورتالىق قورىنا الدى. ونىڭ ىشىندە 1888 جىلى جارىق كورگەن «عىلىم حالى» مەن 1891 جىلى باسىلعان «ءتارجىما عين ءال عالام» كىتاپتارى جانە حح عاسىردىڭ باس شەنىندە قازان، ورىنبور، ۋفادا قالاسىنان شىققان سيرەك كىتاپتار بار.

«وسى مەشىتتە تابىلعان سيرەك كىتاپتار مەن قولجازبالاردىڭ مول قورى ءوڭىردىڭ تاريحىنىڭ اجىراماس بولىگى رەتىندە بابالارىمىزدىڭ باعا جەتپەس مۇراسى. ونى ساقتاپ قالۋ – وتە ماڭىزدى»، – دەدى رەستاۆراتسيا جانە كونسەرۆاتسيا ءبولىمىنىڭ باسشىسى سىرىم بوتابەكوۆ.

ايتا كەتەيىك، ءىسساپاردىڭ ماقساتى – قازاقستان اۋماعىندا بار قازىرگى تاڭداعى قوجازبا مەن سيرەك كىتاپتاردىڭ ورتاق ءتىزىمىن جاساۋ، ولاردى مەملەكەتتىك رەەسترگە الۋ. الداعى ۋاقىتتا اتالعان قۇندى جازبالاردى زەرتتەۋ جانە رەستاۆراتسيا جۇمىستارى جۇرگىزىلەدى.

قر مادەنيەت جانە اقپارات مينيسترلىگىنىڭ ءباسپاسوز قىزمەتى

Abai.kz