پرەزيدەنت ىشكى ىستەر ءمينيسترى ەرجان سادەنوۆتى قابىلدادى. بۇل تۋرالى اقوردا حابارلادى.

قر ءىىم باسشىسى ەرجان سادەنوۆ:

▪️ەلىمىزدەگى كريمينوگەندىك احۋال تۋرالى مالىمەت بەردى. جىل باسىنان بەرى قىلمىس دەڭگەيى تومەندەگەن. ۇرلىق، توناۋ، قاراقشىلىق، بۇزاقىلىق، سونداي-اق تۇرمىستىق زورلىق-زومبىلىق، ماس كۇيىندە جانە كوشەلەردە جاسالاتىن قۇقىق بۇزۋشىلىقتاردىڭ سانى ايتارلىقتاي ازايعان;

▪️قىلمىسكەرلەردى ىزدەستىرۋ جۇمىسىنىڭ ناتيجەسى تۋرالى باياندادى. جىل باسىنان بەرى 782 ادام، ونىڭ ىشىندە 79 ازامات شەتەلدە ۇستالعان. ىزدەۋدە جۇرگەن 16 ادام ەلگە ەكستراديتسيالانعان;

▪️ادام كوپ جينالاتىن جەرلەردە ازاماتتاردىڭ قاۋىپسىزدىگىن قامتاماسىز ەتۋ جونىندە اقپارات بەردى;

▪️كوشى-قون ءىسىن باقىلاۋ جۇمىستارى جايىندا ەسەپ بەردى. جىل باسىنان بەرى ەلىمىزگە 4,2 ملن شەتەل ازاماتى كەلىپ، ونىڭ 4 ملن-عا جۋىعى شەكارادان كەرى شىققان;

▪️ۇيىمداسقان، كيبەر جانە ەسىرتكى قىلمىستارىنا قارسى ءىس-قيمىل جونىندەگى، سونداي-اق قۇقىق بۇزۋشىلىقتاردىڭ الدىن الۋ، سۋ تاسقىنى سالدارىن جويۋ، جول قاۋىپسىزدىگىن قامتاماسىز ەتۋ، كەزەكتەن تىس اتتەستاتسيالاۋ باعىتتارىنداعى تاپسىرمالارىنىڭ ورىندالۋ بارىسىن تانىستىردى.

Abai.kz