استانا قالاسىنىڭ قىلمىستىق ىستەر جونىندەگى اۋدانارالىق سوتى "اتامەكەن" كاسىپكەرلەر پالاتاسىنىڭ بۇرىنعى باسشىسى ابىلاي مىرزاحمەتوۆتى "اسا ءىرى مولشەردە الاياقتىق جاسادى" دەپ تانىپ، بەس جىلعا بوستاندىعىنان ايىردى. بۇل تۋرالى ازاتتىق راديوسى جازدى. 

سوت تاراتقان حابارعا ساي، مىرزاحمەتوۆ كىناسىن مويىنداپ، سوتان ءادىل جازا تاعايىنداۋدى سۇراعان.

سوت ونىڭ "شىنايى وكىنگەنىن، قىلمىستى تەرگەۋگە جانە قىلمىس كەزىندە الىنعان مۇلىكتى ىزدەستىرۋگە جاردەمدەسكەنىن", كامەلەتكە تولماعان بالاسى بارىن ەسكەرىپ، مۇنى جازانى جەڭىلدەتەتىن جاعداي رەتىندە قاراستىرعان.

قىلمىستىق ىستە مىرزاحمەتوۆ بيزنەسمەن تالعات بورانباەۆتان ونىڭ اعاسى ءارى ەكس-پرەزيدەنتتىڭ قۇداسى قايرات بورانباەۆتى بوستاندىققا شىعارىپ، ءىستى جابۋ ءۇشىن 30 ملن دوللار سۇراعان دەپ كورسەتىلگەن. سوت باستالعاندا بۇل اقپارات بويىنشا مىرزاحمەتوۆتىڭ تاراپىنان پىكىر الۋ مۇمكىن بولمادى.

مىرزاحمەتوۆ 2021 جىلى Forbes Kazakhstan باسىلىمىنىڭ ەلدەگى ەڭ ىقپالدى 50 بيزنەسمەن تىزىمىنە كىرگەن. سول ۋاقىتتا ول مەديتسينا بۇيىمدارىن شىعاراتىن زاۋىت پەن التىن كەن ورنىن بارلايتىن ينۆەستيتسيالىق كومپانياعا يەلىك ەتتى.

Abai.kz