تۋريزم جانە سپورت ءمينيسترى ەرمەك مارجىقپاەۆ 14 مامىردا ۇكىمەت وتىرىسىندا قازىرگى كوشپەندى ۆيزانى ەنگىزۋ جوسپارى تۋرالى ايتتى. بۇل تۋرالى وردا سايتى جازدى. 

ەرمەك مارجىقپاەۆ تسيفرلاندىرۋ جانە ۆيزا الۋ راسىمدەرىن جەڭىلدەتۋ ارقىلى ۆيزالىق جانە كوشى-قون رەجيمىن جاقسارتۋ قاجەت ەكەنىن اتاپ ءوتتى.

«مۇددەلى مەملەكەتتىك ورگاندارمەن بىرلەسە وتىرىپ، شەتەل ازاماتتارى ءۇشىن قازىرگى زامانعى كوشپەندى ۆيزانى، جۇمىس اتاۋى – Neo Nomad Visa جۇيەسىن ەنگىزۋ، ولارعا ەلدە ۇزاق مەرزىمدى بولۋ قۇقىعىن بەرۋ ماسەلەسى قاراستىرىلۋدا. ب قازىرگى ۋاقىتتا Neo Nomad Visa-نى ىسكە اسىرۋ مەحانيزمى مۇددەلى مەملەكەتتىك ورگاندارعا جىبەرىلدى»، - دەدى مينيستر.

جالپى، ونىڭ مالىمەتىنشە، 2023 جىلى قازاقستانعا 9,2 ميلليون شەتەل ازاماتى كەلگەن، بۇل 2022 جىلعى كورسەتكىشتەن ەكى ەسە كوپ. ەل ىشىندە 9,6 ميلليوننان استام قازاقستاندىق ساياحاتتاعان. بۇل كورسەتكىش 2022 جىلدان 1 ميلليون ادامعا اسىپ وتىر.

ورنالاستىرۋلار 229 ميلليارد تەڭگەدەن استام قىزمەت كورسەتتى، بۇل 2022 جىلمەن سالىستىرعاندا 1,3 ەسەگە كوپ. تۋريستىك سالادان بيۋدجەتكە تۇسكەن سالىق تۇسىمدەرى 450 ملرد تەڭگەنى قۇراپ، 2022 جىلمەن سالىستىرعاندا 64 ملرد تەڭگەگە ارتىق.

Abai.kz