ءبىزدىڭ شە، ادامزاتقا ورتاق ءبىر عانا باعا جەتپەس قۇندىلىق بار. ونىڭ اتى – بوستاندىق. بوستاندىق ۇلتقا بولىنبەيدى. بوستاندىقتىڭ ءتىلى – قاپاستا جاتسا دا كۇنگە ۇمتىلعان اق الماس، سىنباس ءور رۋح. كەشە دۇنيەدەن وتكەن ماندەلا سول بوستاندىق رۋحتىڭ يەسى ەدى. رۋحىن كۇرەسپەن شىڭداعان قايراتكەر اقىرى وتانىندا ازاتتىق تۋىن جەلبىرەتتى.

ماندەلانىڭ ءومىرى تۋرالى گولليۆۋد رەجيسسەرى كلينت يستۆۋد تۇسىرگەن "Invictus" دەپ اتالاتىن فيلم بار. فيلمدە اعىلشىن اقىنى ۋيليام حەنليدىڭ 1875 جىلى جازعان ولەڭى وقىلعان.

ماندەلا دۇنيەدەن قايتقان كۇنى فەيسبۋك الەۋمەتتىك جەلىسىندە جۋرناليست قاسىم امانجولۇلى ۋيليام حەنليدىڭ ولەڭىن تۋعان تىلىمىزگە اۋدارساق دەپ قازاق اقىندارىنا ۇسىنىس تاستادى. اۋدارما ورىس تىلىنەن جاسالدى.

تومەندە جەتى اقىننىڭ اۋدارماسىمەن بىرگە فيلمدە وقىلعان ولەڭنىڭ ورىسشا نۇسقاسىن دا قاتار بەرىپ وتىرمىز.

ءبىزدىڭ شە، ادامزاتقا ورتاق ءبىر عانا باعا جەتپەس قۇندىلىق بار. ونىڭ اتى – بوستاندىق. بوستاندىق ۇلتقا بولىنبەيدى. بوستاندىقتىڭ ءتىلى – قاپاستا جاتسا دا كۇنگە ۇمتىلعان اق الماس، سىنباس ءور رۋح. كەشە دۇنيەدەن وتكەن ماندەلا سول بوستاندىق رۋحتىڭ يەسى ەدى. رۋحىن كۇرەسپەن شىڭداعان قايراتكەر اقىرى وتانىندا ازاتتىق تۋىن جەلبىرەتتى.

ماندەلانىڭ ءومىرى تۋرالى گولليۆۋد رەجيسسەرى كلينت يستۆۋد تۇسىرگەن "Invictus" دەپ اتالاتىن فيلم بار. فيلمدە اعىلشىن اقىنى ۋيليام حەنليدىڭ 1875 جىلى جازعان ولەڭى وقىلعان.

ماندەلا دۇنيەدەن قايتقان كۇنى فەيسبۋك الەۋمەتتىك جەلىسىندە جۋرناليست قاسىم امانجولۇلى ۋيليام حەنليدىڭ ولەڭىن تۋعان تىلىمىزگە اۋدارساق دەپ قازاق اقىندارىنا ۇسىنىس تاستادى. اۋدارما ورىس تىلىنەن جاسالدى.

تومەندە جەتى اقىننىڭ اۋدارماسىمەن بىرگە فيلمدە وقىلعان ولەڭنىڭ ورىسشا نۇسقاسىن دا قاتار بەرىپ وتىرمىز.

ستيحوتۆورەنيە ۋيلياما حەنلي "Invictus" ("نەپوكوريوننىي")

نە ۆاجنو، چتو ۆراتا ۋزكي،
مەنيا وپاسنوست نە ستراشيت
يا - ۆلاستەلين سۆوەي سۋدبى.
يا - كاپيتان سۆوي دۋشي.

اۋدارمالار:

ىرىسبەك دابەي

قارا ءتۇننىڭ تىرناعىنا تۇتىلىپ،
بۇلا مۇڭنىڭ شۇڭەتىنە جۇتىلىپ،
جاراتۋشىم، العىس ساعان ءاماندا،
ءور رۋحىم جەر سۇزبەدى تۇقىرىپ.

تانا باسقا تاپ كەلگەندە تاۋقىمەت،
بۇگىلمەدىم، الدىم – تەڭىز، ارتىم – وت.
ازاپ شەككەن مىناۋ بەيباق جانىمدى،
ءوزىم عانا ەمدەپ جازدىم قانشا رەت.

زىمياندىق، زۇلىمدىق ءھام كوز جاسى،
جولعا سىڭگەن شەجىرەڭدى قوزعاشى.
مىڭ جىعىلىپ، مىڭ سۇرىنگەن ساتتەرىم،
مەنىڭ مۇلدەم بولماق ەمەس جولداسىم.

اشپاق ەمەس اركەز ءومىر قاقپاسىن،
بىراق بۇرمان باسقا جاققا ات باسىن.
تاعدىرىمنىڭ ءامىرشىسى – تەك ءوزىم،
مەزگىل جايىپ جىلاعانمەن اق شاشىن.

ەرلان ءجۇنىس

(ەركىن، ماعىنالىق اۋدارما)
قاراڭعى ۇيدەن، قارالى كۇيدەن،
قايرالىپ تۋعان ارعا - سەرت!
قۇدايلارعا سەرت ادامدار سۇيگەن،
قۇدايىم سۇيگەن جانعا - سەرت!
و، قارا قۇرلىق - قايعى مەن نالا،
قايمىعا شىققان زارعا - سەرت!
تاعدىرىم سالعان جازىلماس جارا،
جارادان اققان قانعا - سەرت!
كوز جاسىن كەشكەن كەزەڭنىڭ كەگىن،
كەر ءجۇرىپ وتەر جولعا - سەرت!
كەبەنەك - ءۇمىت، ءۇمىتسىز - كەبىن،
كىسەندەر قيعان قولعا - سەرت!
وكتەمنىڭ كارىن، وتكەلدىڭ تارىن،
ولىمدەي بۇزار شاققا - سەرت!
تارتقىزىپ ماعان تاعدىردىڭ جالىن،
تاۋەلسىز ەتكەن حاققا - سەرت!

سەرىكبول حاسان

ءتۇردىم دە ءتۇننىڭ تۇنەگىن،
جارامدى جازدى جۇرەگىم.
تابىندىم ساعان، ءتاڭىرىم،
رۋحىمدى بەرگەن ءبىر ءوزىڭ.

تاۋقىمەت كورىپ، مۇڭداندىم،
باقىتتان تالاي قۇر قالدىم.
كورسەم دە تاعدىر تەپكىسىن،
قايتادان ءتۇزۋ تۇرعانمىن.

شىلانعان جاسقا، ازاعا،
بىلمەيمىن، جولىم تازا ما؟
بارىنە كوندىم، سەنبەسەڭ،
تىك تۇرام، تاعى جازالا.

قادالسىن قايتا جەبەسى،
قالدى ارتتا قايعى ەلەسى.
تاۋقىمەت كورسەم وزىمنەن،
رۋحىمنىڭ مەنمىن ەگەسى.

بەيبىت سارىباي

جاتسام دا مەيلى ءتۇن تۇنەگىندە.
قايعىعا باتىپ كۇركىرەدىم مەن.
ءتاڭىرىم ساعان العىسىم شەكسىز،
رۋحتى قىلدىڭ ءبىر كۇن ومىردە.

باسىما كەلگەن قاسىرەتتەردى،
توزىممەن تاپتاپ، باسىپ وتكەنمىن.
تاعدىر سوققىسى قۇلاتا المادى،
اسپان جانىمدى جاسىن ەتكەنمىن.

كوز جاسى مەنەن قاتىگەزدىكتىڭ،
اراسىن كورگەن قاعىلەزدىكپىن.
تاعدىرعا ءالى تىكە قارايمىن،
جولىندا قۇربان اقىن – ەزدىكتىڭ.

قاقپانىڭ ەمەس تارلىعى ءماندى،
باتىرلىعىمنىڭ جارلىعى ماڭگى!..
ءوز جۇرەگىمدى باعىندىرا الامىن،
شىرقاتسام شىرقار تاعدىرىم ءاندى.

باعاشار تۇرسىنبايۇلى

جانىمدى جەگەن جۇرەك مۇڭىمنىڭ،
تار قاپاسىنان تۇنەك ءتۇنىمنىڭ.
ەسەندىك جازعان شەر ماڭدايىما
جاراتقان ساعان ماداق!

تالكەگىن كورىپ تاعدىردىڭ، شىداپ،
سىنبادى رۋحىم، قالمادىم قۇلاپ.
قابىرعام قاۋساپ قايعىدان اۋىر
تۇرسا دا، مەنىڭ رۋحىم ازات!

ءدۇدامال ءومىر سوقپاقتى، جولسىز،
وبالدى جاسپەن سۇرقيا ءوڭسىز.
ەجەلگى سەرتتىڭ جولىمەن ادال
سەسكەنبەن! مۇمكىن «اقىماق» دەرسىز...

قورقىنىش دەرتى مەڭدەگەن ەمەس،
ىزگىلىك جولى بولسا دا قاۋىپ.
تاعدىرىم مەنىڭ قولىمدا ادال،
رۋحىم مەنىڭ ەلىمدەي الىپ.

سەرىك ابىكەنۇلى

تۇمشالاپ تۇنەك جانىمدى،
كورسەم دە پيعىل زىندانىن،
«مىڭ العىس ساعان، جاراتقان!،
يىلمەدى رۋح. سىنبادىم!».

قاسىرەت تەزى قىسسا دا،
شىرقىراي ءۇنىم جىلامان،
قانداۋىر- تاعدىر سوقسا دا
تىك تۇرمىن ءالى، قۇلامان.

قيانات پەن كوز جاس اراسى،،
تۇمان باسقان قىل-سۇرلەۋ،
تايسالمان بىراق جولىمنان،
قانىما سىڭگەن شەگىنبەۋ.

تارلىعىن ءومىر-وتكەلدىڭ
كوزىممەن كوردىم –سەسكەنبەن.
تاعدىرىما قوجا تەك –مەنمىن،
جانعا دا جالعىز پاتشا-مەن.

نۇرلان ءسادىر

توبەمنەن تۇنەك ءتونىپ شىن،
باتسا دا، ازاپ، ءزار ءتىسىڭ
جولدادىم ساعان، جان اللام
سىنباعان رۋحتىڭ العىسىن

مايىسىپ، بىراق مورت كەتپەي
شىدادى، رۋحىم – بىربەتكەي
تاعدىردىڭ سالعان تەزىنە
ءدىر ەتپەي جانە شىر ەتپەي

جولىمدى مىنا قاراشى –
قان مەنەن جاستىڭ اراسى
قيىننان بىراق قورقا ما
ادامنىڭ ەركىن بالاسى

تار جەردەن جارىپ، وزامىن
قيىندىق دەسە قوزامىن
بيلىگىم مەنىڭ وزىمدە
وزىمە-ءوزىم قوجامىن!