ۇلتتىق كينونى قولداۋ ورتالىعى العاش رەت 77-ءشى حالىقارالىق كانن كينوفەستيۆالى اياسىندا «Marche Du Film» كينونارىعىنا قاتىسىپ جاتىر.

قازاقستاندىق دەلەگاتسيا قاتىسۋشىلارعا «كazakhcinema» ستەندىن ۇسىندى. ستەندتە قازاقستاندىق كينووندىرىس، ۇلتتىق كينونى قولداۋ ورتالىعىنىڭ قىزمەتى، سونداي-اق بولاشاق جوبالار تۋرالى مالىمەتتەر كورسەتىلگەن.

كazakhcinema قازاقستان شەتەلدىك فيلمدەر ءوندىرىسىن سۋبسيديالاۋ جۇيەسىن (ريبەيت) تانىمال ەتۋگە نازار اۋدارادى. ونىڭ قۇقىقتىق نەگىزى قازاقستان رەسپۋبليكاسىنىڭ «كينەماتوگرافيا تۋرالى» زاڭىنىڭ قابىلدانۋىمەن قامتاماسىز ەتىلگەن.

«Marche Du Film» نارىعىنا قاتىسۋدىڭ ماقساتى – بىرلەسكەن كينووندىرىستى دامىتا وتىرىپ، شەتەلدىك سەرىكتەستەردى تارتۋ، سونداي-اق وتاندىق فيلمدەردىڭ تانىمالدىعىن ارتتىرۋ.

ايتا كەتۋ كەرەك، قازاقستان جىل سايىن حالىقارالىق كينو نارىعىنا قاتىسىپ كەلەدى. «Marche Du Film» 1959 جىلى قۇرىلعان جانە ءار جىلدا كانن كينوفەستيۆالىمەن قاتار وتەدى. ءىس-شارا كينويندۋستريا الەمىندەگى ەڭ ماڭىزدى وقيعالاردىڭ ءبىرى جانە ول 2024 جىلدىڭ 23 مامىر ايىنا دەيىن جالعاسادى.

قر مادەنيەت جانە اقپارات مينيسترلىگىنىڭ ءباسپاسوز قىزمەتى

Abai.kz