الماتىداعى بىرنەشە كوشەگە جاڭا اتاۋ بەرىلمەك
الماتىداعى بىرنەشە كوشە اتتارى جاڭارماق. اتالمىش شەشىم جوباسى رەسپۋبليكالىق ونوماستيكا كوميسسياسىنىڭ قاراۋىنا جىبەرىلەدى.
الماتى قالاسى اكىمدىگىنىى حابارلاۋىنشا قالا كوشەلەرىنە قازاقستاننىڭ بەلگىلى ونەر قايراتكەرلەرى: ءانشى ەرمەك سەركەباەۆ، كومپوزيتور ەسكەندىر حاسانعاليەۆ، اكتەرلەر يۋري پومەرانتسەۆ پەن ۆلاديمير تولوكوننيكوۆتىڭ ەسىمىن بەرۋ تۋرالى وتىنىشتەر كەلىپ ءتۇستى.
قالالىق ءماسليحات شەشىمىنىڭ جوباسى بويىنشا بوستاندىق اۋدانى يۋ.گاگارين داڭعىلىنىڭ ك.تيميريازەۆ كوشەسىنەن ءال-فارابي داڭعىلىنا دەيىنگى بولىگىنە ەرمەك سەركەباەۆ داڭعىلى، اۋەزوۆ اۋدانى يۋبيلەينايا كوشەسىنە ۆلاديمير تولوكوننيكوۆ اتىن بەرۋ جوسپارلانعان. ەسكەندىر حاسانعاليەۆتىڭ ەسىمىن تۇركسىب اۋدانىنىڭ "جاس قانات" شاعىن اۋدانىنداعى اتاۋى جوق كوشەگە بەرۋ كوزدەلدى", – دەپ جازىلعان حابارلامادا.
ال يۋري پومەرانتسەۆتىڭ ەسىمىمەن قالانىڭ بوستاندىق اۋدانىنداعى اتاۋى جوق كوشە اتالادى.
سۋرەت اشىق دەرەككوزدەن الىندى
Abai.kz
