قازاقستان رەسپۋبليكاسى پرەزيدەنتىنىڭ ەكونوميكالىق ماسەلەلەر جونىندەگى كومەكشىسى قىزمەتىن اتقارعان اسەت ەرعاليەۆ دۇنيەجۇزىلىك ساۋدا ۇيىمى مەن حالىقارالىق ەكونوميكالىق ۇيىمدار جانىنداعى قازاقستان رەسپۋبليكاسىنىڭ تۇراقتى وكىلى بولىپ تاعايىندالدى.

اسەت ەرعاليەۆ 1986 جىلى قوستاناي قالاسىندا دۇنيەگە كەلگەن.

2008 جىلى قازاقستاندىق مەنەدجمەنت، ەكونوميكا جانە بولجامداۋ ينستيتۋتىن (قمەبي) مەملەكەتتىك ساياسات ەكونوميكاسى سالاسىندا باكالاۆر دارەجەسىمەن، سونداي-اق حالىقارالىق الماسۋ باعدارلاماسى اياسىندا شۆەتسياداعى حالىقارالىق يونكوپينگ بيزنەس مەكتەبىن حالىقارالىق ەكونوميكا سالاسىندا عىلىم باكالاۆرى دارەجەسىمەن بىتىرگەن.

2009 جىلى يورك ۋنيۆەرسيتەتىن، 2010 جىلى نوتتينگەم ۋنيۆەرسيتەتىن (ۇلىبريتانيا) ءبىتىرىپ، ەكونوميكاداعى عىلىم ماگيسترى دارەجەسىمەن تامامداعان.

2010 جىلعى قىركۇيەكتەن 2013 جىلعى قاڭتارعا دەيىن لوندونداعى ەۋروپا قايتا قۇرۋ جانە دامۋ بانكى ەكونوميكالىق دەپارتامەنتىنىڭ شىعىس ەۋروپا جانە كاۆكاز بويىنشا وڭىرلىك تالداۋشىسى رەتىندە ەڭبەك ەتكەن.

2013 جىلعى قاڭتاردان 2016 جىلعى ماۋسىمعا دەيىن قر ۇلتتىق ەكونوميكا مينيسترلىگى جانىنداعى «ەكونوميكالىق زەرتتەۋلەر ينستيتۋتى» اق ۆيتسە-پرەزيدەنتى، باسقارما توراعاسىنىڭ ورىنباسارى، باسقارما توراعاسىنىڭ ءبىرىنشى ورىنباسارى، باسقارما توراعاسى قىزمەتتەرىن اتقاردى.

2016 جىلعى قازان-جەلتوقسان ارالىعىندا – «بايتەرەك «ۇبح» اق باسقارما توراعاسىنىڭ كەڭەسشىسى.

2016 جىلعى جەلتوقساننان 2017 جىلعى تامىزعا دەيىن  – قر پرەمەر-ءمينيسترىنىڭ كەڭەسشىسى.

2017 جىلعى تامىزدان 2018 جىلعى قىركۇيەككە دەيىن – قر پرەمەر-ءمينيسترى كەڭسەسىنىڭ جوبالىق باسقارۋ ورتالىعىنىڭ مەڭگەرۋشىسى.

2018 جىلعى قىركۇيەكتەن 2019 جىلعى ناۋرىزعا دەيىن قر ۇلتتىق ەكونوميكا ۆيتسە-ءمينيسترى.

2019 جىلعى ناۋرىز-تامىز ارالىعىندا قر پرەمەر-ءمينيسترى كەڭسەسى باسشىسىنىڭ ورىنباسارى رەتىندە قىزمەت اتقاردى.

2019 جىلعى تامىزدان 2021 جىلعى قاڭتارعا دەيىن قر ۇلتتىق ەكونوميكا ءبىرىنشى ۆيتسە-ءمينيسترى لاۋازىمىنا تاعايىندالدى.

2021 جىلعى قاڭتاردان 2022 جىلعى قاڭتارعا دەيىن – قر ۇلتتىق ەكونوميكا ءمينيسترى.

2022 جىلعى قاڭتاردان 2023 جىلعى قىركۇيەككە دەيىن – قر ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى.

2023 جىلعى 2 قىركۇيەكتە مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتىنىڭ ەكونوميكالىق ماسەلەلەر جونىندەگى كومەكشىسى بولىپ تاعايىندالدى.

Abai.kz