قۇلسارى قالاسىنىڭ موبيلدىك توپتارى سۋ تاسقىنىنان زارداپ شەككەن ۇيلەردىڭ زالالىن باعالاۋ جانە تەحنيكالىق ساراپتاما قورىتىندىلارىن ءتۇسىندىرۋ بويىنشا جۇمىستى جالعاستىرۋدا، دەپ حابارلادى اتىراۋ وبلىسىنىڭ تج جونىندەگى جەدەل شتابى. 

بۇگىن، التى ءموبيلدى توپ، باعالاۋ ناتيجەلەرىن تانىستىرۋ جانە ءتۇسىندىرۋ جۇمىستارىن جۇرگىزۋ ءۇشىن 100-گە جۋىق قۇلسارىلىقتى قامتيتىن بولادى.

باعالاۋ ناتيجەلەرىمەن تانىسقاننان كەيىن، ەكى كۇن وتكەن سوڭ قۇلسارى تۇرعىندارى مەملەكەتتەن كومەك الۋ ءۇشىن جىلىوي اۋدانىنىڭ اكىمدىگىنە جۇگىنە الادى.

"قازىر بۇل ءۇي تۇرۋعا جارامسىز، ءبىز ءبىر شارشى مەترگە 240 مىڭ سوماعا قاناعاتتانامىز. بۇل قاراجات ءۇيىمىزدى بۇزىپ، قايتادان سالۋعا جەتكىلىكتى", – دەدى گۇلنۇر ءىلياسوۆا.

"مەملەكەت تاراپىنان ءبىر شارشى مەترگە 200-240 مىڭ تەڭگە كولەمىندە ۇسىنىلىپ وتىرعان سوما مەن ءۇشىن جەتكىلىكتى. ءدال قازىرگى جاعدايدا مەن ءۇشىن ەڭ باستىسى – ءۇيىمدى سالىپ الۋ. ماعان ارتىق ەشتەڭە قاجەت ەمەس، ۇسىنىلىپ وتىرعان وتەماقىعا ريزامىن", – دەدى تاسقىننان زارداپ شەككەن تۇرعىنداردىڭ ءبىرى كۇلاش امانبايقىزى.

Abai.kz