ستاتيستيكالىق دەرەكتەرگە سايكەس، 2023 جىلى ەلىمىزدەگى 19 كۋرورتتى ايماقتا 3,8 ملن ادامنان اسا تۋريست دەمالعان. بۇل كورسەتكىش الدىڭعى جىلمەن سالىستىرعاندا 311 مىڭ ادامعا وسكەن.

ناتيجەسىندە كۋرورتتى ايماقتارداعى قوناق ۇيلەر بىلتىر 130 ملرد تەڭگەدەن استام تابىس تاپتى.

تۋريستەر اراسىندا الماتى تاۋ كلاستەرى – ەڭ تانىمال ورىنداردىڭ ءبىرى. بىلتىر بۇل كۋرورتتى ايماققا 2,3 ميلليوننان استام ادام كەلگەن. كەيىنگى ورىندارعا ماڭعىستاۋ كۋرورتتى ايماعى (356,2 مىڭنان استام ادام), ششۋچە-بۋراباي كۋرورتتى ايماعى (305,4 مىڭ ادام) جانە اباي وبلىسىنىڭ الاكول كولى جاعالاۋى (205,8 مىڭ ادام) جايعاسقان.

«جىل سايىن وتاندىق كۋرورتتاردا دەمالاتىن تۋريستەر سانى ارتىپ كەلەدى. بۇل ەلىمىزدەگى اتالعان ايماقتاردىڭ تارتىمدىلىعىن جانە قازاقستاننىڭ تۋريستىك الەۋەتىنە قىزىعۋشىلىقتىڭ ارتقانىن اڭعارتادى. ءبىزدىڭ ماقساتىمىز – ءاربىر قوناق ەلىمىزدىڭ ىستىق ىقىلاسى مەن قوناقجايلىلىعىن سەزىنۋى ءۇشىن تۋريستەردى قابىلداۋ شارتتارىن ودان ءارى جەتىلدىرۋ»، - دەپ اتاپ ءوتتى قر تسم تۋريزم يندۋسترياسى كوميتەتىنىڭ توراعاسى نۇرتاس كارىپباەۆ.

Abai.kz