2024 جىلى 17 مامىر كۇنى  حالىقارالىق «قازاق ءتىلى» قوعامى مەن SANA FOUNDATION قوعامدىق قورى اراسىندا بىرلەسكەن مەموراندۋمعا قول قويىلدى.

كەزدەسۋدە كاسىپكەرلىك سالاسىندا قازاق ءتىلىنىڭ مارتەبەسىن ارتتىرۋدىڭ جولدارى مەن قولدانۋ اياسىن كەڭەيتۋ جوبالارى تالقىلاندى.

حالىقارالىق «قازاق ءتىلى» قوعامى 1989 جىلدان بەرى قر اتا زاڭى (كونستيتۋتسياسى), ءتىل تۋرالى زاڭى، ءوزىنىڭ جارعىسى جانە حالىقارالىق نورمالار نەگىزىندە قىزمەت جاسايتىن ۇيىم. ومبى، ورىنبور، استراحان، قورعان، سانكت-پەتەربۋرگ، ساراتوۆ، ۆولگوگراد قالاسىندا، موڭعوليا، تۇركيا، ت.ب. قالالارىندا بولىمشەلەرى بار.

مەموراندۋمعا تۇڭعىش قازاق تىلىندەگى ەكونوميكالىق-بيزنەس فورۋمىن ۇيىمداستىرعان، كاسىپكەرلىك اعارتۋشىلىقپەن اينالىسا وتىرىپ، زياتكەرلىك، الەۋمەتتىك جوبالاردى جۇزەگە اسىراتىن SANA FOUNDATION اتىنان بەلگىلى ەكونوميست، تاۋەلسىز ساراپشى ماقسات حالىق مىرزا كەلدى.

سۋرەت: SANA FOUNDATION

ىسكەرلىك ەتيكا مەن كاسىپكەرلىك كودتى قالىپتاستىرۋدى ماقسات ەتكەن كەلىسىم بىرلەسكەن ءىس-شارالار، سەمينارلار مەن فورۋمدار وتكىزۋگە، بيزنەس ادەبيەت پەن ماتەريالداردى كوبەيتۋگە، قازاق تىلىندە ساپالى مەديا جانە ونلاين كونتەنتتى دامىتۋعا جالعاسپاق.

سونداي-اق، كاسىپكەرلىك جاۋاپكەرشىلىك نەگىزىندە زياتكەرلىكتى قالىپتاستىرۋ مەن اعارتۋشىلىقتى ترەندكە اينالدىرۋ ماقساتىندا الەۋمەتتىك جوبالار لەگى جوسپارلاندى.

Abai.kz