پرەمەر-مينيستر ولجاس بەكتەنوۆ پرەزيدەنتكە سۋ تاسقىنىنىڭ سالدارىن جويۋ جانە زارداپ شەككەن ازاماتتارعا جان-جاقتى كومەك كورسەتۋ جۇمىستارى بويىنشا ەسەپ بەردى. بۇل تۋرالى Abai.kz KTK اقپاراتتىق سايتىنا سىلتەمە جاساپ، حابارلايدى.

ۇكىمەت باسشىسىنىڭ مالىمەتىنشە ەۆاكۋاتسيالىق پۋنكتتەردەگى 5452 تۇرعىنعا بارلىق قاجەتتى كومەك كورسەتىلىپ جاتىر. 26 مىڭنان استام وتباسىنا 100 اەك مولشەرىندە بىررەتتىك تولەم بەرۋ ءۇشىن 10 ميلليارد تەڭگەدەن اسا قارجى بولىنگەن. قازىرگى كەزدە 61352 ادام ءوز ۇيلەرىنە ورالعان.

بۇل جۇمىستار اقتوبە، باتىس قازاقستان، اقمولا، قاراعاندى، پاۆلودار، اباي، ۇلىتاۋ وبلىستارىندا تولىقتاي اياقتالدى.

ال سولتۇستىك قازاقستان وبلىسىندا بىررەتتىك قارجىلاي كومەكتى 6090, قوستاناي وبلىسىندا 4085, اتىراۋ وبلىسىندا 3730 وتباسى الدى. بۇدان بولەك، زارداپ شەككەن تۇرعىنداردى باسپانامەن قامتاماسىز ەتۋ جۇمىستارى جۇرگىزىلىپ جاتىر.

جالپى، سۋ تاسقىنىنان زارداپ شەككەن ايماقتاردا 11137 تۇرعىن ءۇي تەكسەرىلىپ، 7863 نىساندى باعالاۋ جۇمىستارى اياقتالدى.

باعالاۋ ءىسىنىڭ اياقتالۋىنا قاراي، زارداپ شەككەن تۇرعىندارعا اسا قاجەتتى دۇنيە-مۇلىك ساتىپ الۋ ءۇشىن 150 اەك-كە دەيىن قوسىمشا وتەماقى تولەنىپ جاتىر.

Abai.kz