ماڭعىستاۋ وبلىسىنىڭ شەكاراسى وزگەردى
قازاقستان رەسپۋبليكاسى ۇكىمەتىنىڭ 2024 جىلعى 17 مامىرداعى قاۋلىسىمەن ماڭعىستاۋ وبلىسىنىڭ شەكاراسى وزگەرتىلدى، دەپ حابارلايدى Abai.kz ءتىلشىسى Zakon.kz-كە سىلتەمە جاساپ.
"ماڭعىستاۋ وبلىسىنىڭ شەكاراسى قازاقستان رەسپۋبليكاسىنىڭ كاسپي تەڭىزىندەگى اۋماقتىق سۋلارىنىڭ (تەڭىزىنىڭ) ەنى مەن اۋماقتىق سۋلاردىڭ سىرتقى شەگىن ولشەۋگە ارنالعان نەگىزدىك سىزىقتار اراسىنداعى جەرلەردى ( 1 638 837,5075 گا) ماڭعىستاۋ وبلىسىنىڭ اۋماعىنا قوسۋ جولىمەن وزگەرتىلسىن", – دەلىنگەن قۇجاتتا.
ەندىگى جەردە ماڭعىستاۋ وبلىسىنىڭ شەكاراسىنا ەنگىزىلەتىن وزگەرىستەر تومەندەگىدەي سيپات الادى:
- ماڭعىستاۋ وبلىسىنىڭ سولتۇستىك شەكاراسى اتىراۋ وبلىسىنىڭ اكىمشىلىك باعىنىسىنداعى اۋماقتاردىڭ قولدانىستاعى شەكارالارى بويىنشا وتەدى;
- سولتۇستىك-شىعىس شەكارا اقتوبە وبلىسىنىڭ اكىمشىلىك باعىنىستاعى اۋماقتارىنىڭ قولدانىستاعى شەكارالارى بويىنشا وتەدى;
- وڭتۇستىك شەكارا قازاقستان-تۇرىكمەن مەملەكەتتىك شەكاراسى بويىنشا وتەدى;
- وڭتۇستىك-شىعىس شەكارا قازاقستان-وزبەك مەملەكەتتىك شەكاراسى بويىنشا وتەدى;
- باتىس شەكارا كاسپي تەڭىزىندەگى قازاقستان رەسپۋبليكاسىنىڭ اۋماقتىق سۋلارىنىڭ (تەڭىزىنىڭ) سىرتقى شەگى بويىنشا وتەدى.
ماڭعىستاۋ وبلىسىنداعى اۋماقتىق سۋلار (تەڭىز) ەنى بويىنشا وبلىس شەكاراسىنان باستاپ باستاپقى سىزىققا دەيىنگى اۋماق تومەندەگىدەي:
- اقتاۋ قالاسى بويىنشا 87171,2282 گەكتار;
- بەينەۋ اۋدانى بويىنشا 81805,1200 گەكتار;
- قاراقيا اۋدانى بويىنشا 513287,6044 گەكتار;
- ماڭعىستاۋ اۋدانى بويىنشا 150105,7313 گەكتار;
- مۇنايلى اۋدانى بويىنشا 49808,5611 گەكتار;
- تۇپقاراعان اۋدانى بويىنشا 756659,2625 گەكتار.
قاۋلى 2024 جىلعى 2 ماۋسىمنان باستاپ قولدانىسقا ەنەدى.
Abai.kz
