جىلىوي اۋدانىنىڭ كاسىپكەرلىك جانە اۋىل شارۋاشىلىعى ءبولىمى تۇرعىنداردان كەلىپ تۇسكەن 101 ءوتىنىشتى تولىعىمەن قاناعاتتاندىردى، دەپ حابارلايدى توتەنشە جاعدايلار جونىندەگى جەدەل شتاب.

"كاسىپكەرلىك جانە اۋىل شارۋاشىلىعى بولىمىنە جۇگىنگەننەن كەيىن، سۋ تاسقىنى كەزىندە جوعالعان مالىم ءۇشىن زالال كولەمى تولىعىمەن وتەلدى", – دەدى شارۋا قوجالىعىنىڭ باسشىسى ايدا ەركىنقاليەۆا. 

جىلىوي اۋدانىنىڭ كاسىپكەرلىك جانە اۋىل شارۋاشىلىعى ءبولىمىنىڭ باسشىسى نۇرتاس قۋاتباەۆتىڭ ايتۋىنشا، بۇگىندە مالىنان ايرىلعان ازاماتتاردىڭ شوتتارىنا بارلىعى 123,8 ملن تەڭگە اۋدارىلعان.

"وتىنىشتەردى قابىلداۋ جالعاسۋدا، 15 جۇمىس كۇنى ىشىندە ارنايى كوميسسيا بارلىق قۇجاتتاردى قارايدى، وتەماقى مالىنان ايرىلعان ازاماتتىڭ جەكە شوتىنا اۋدارىلادى. بۇعان دەيىن قابىلدانعان وتىنىشتەر بويىنشا زالال تولىعىمەن وتەلەدى", – دەدى نۇرتاس قۋاتباەۆ. 

Abai.kz