قازاقستاننىڭ وقۋشىلارى العاش رەت قازاق تىلىنەن بىرىڭعاي ەمتيحان تاپسىرادى، دەپ حابارلايدى Abai.kz.

"27 مامىردا قازاقستاندىق مەكتەپتەردە ارالىق جانە قورىتىندى ەمتيحانداردى تاپسىرۋ كەزەڭى باستالدى. ولار 11 ماۋسىمعا دەيىن جالعاسادى", – دەپ حابارلايدى ءبىلىم مينيسترلىگىنىڭ ءباسپاسوز قىزمەتى.

بيىل العاش رەت 5-8, 10-سىنىپتار 31 مامىرعا دەيىن قازاق تىلىنەن ەمتيحان تاپسىرادى. ول ەكى بولىمنەن تۇرادى: جازباشا جانە اۋىزشا: تىڭداۋ، سويلەۋ، وقۋ، ەسسە.

"ەمتيحاننان تومەن باعا العاندارعا ەشقانداي جازا قاراستىرمادىق. سەبەبى ەمتيحان - بالانى جازالاۋى ەمەس، ىنتالاندىرۋى كەرەك. ال مينيسترلىكتىڭ ۇستانىمى ءتىل ۇيرەنۋدى ىنتالاندىرۋعا باعىتتالعان. جازا بولماۋى كەرەك", - دەدى بەيسەمباەۆ جۋرناليستەرگە.

ەستەرىڭىزگە سالا كەتەيىك، بۇل ۇسىنىس قازاق ءتىلى مۇعالىمدەرىنىڭ سەزىندە جانە پەداگوگتار قاۋىمداستىعى وكىلدەرىنىڭ كەزدەسۋىندە ايتىلعان بولاتىن.

Abai.kz