قتج ديزەل وتىنىن جانە تەمىرجول كرانىن جوندەۋگە بولىنگەن 12 ملن تەڭگە جىمقىرعان ازاماتتارعا قاتىستى ۇكىم شىقتى. بۇل تۋرالى Abai.kz حابارلايدى.

بەيىمبەت مايلين اۋدانىنىڭ سوتى «قتج – جۇك تاسىمالى» جشس فيليالىنىڭ قوستاناي پايدالانۋ لوكوموتيۆ دەپوسىنىڭ باستىعى ا. ماحمۋتوۆقا، ونىڭ ورىنباسارى ج. سىرمانوۆقا، جىلۋ تەحنيگى ب.سەرىكۇلىنا جانە «قازاقستان-وەك» ءسۇ» جشس توبىل ستانتسياسىنىڭ وتىن قويماسىنىڭ باستىعى ك. ەليۋسينوۆقا قاتىستى ۇكىم جاريالادى.

ماحمۇتوۆ، سىرمانوۆ، ەليۋسينوۆ 3 جىلدان 4 جىل 6 ايعا دەيىن باس بوستاندىعىنان ايىرۋعا، سەرىكۇلى 3 جىلعا باس بوستاندىعىنان شەكتەۋگە سوتتالدى.

سونىمەن قاتار، سوتتالعاندار ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلادى.

ۇكىم زاڭدى كۇشىنە ەنگەن جوق.

Abai.kz