ۇكىمەت "اۋىلدا دەنساۋلىق ساقتاۋدى جاڭعىرتۋ" ۇلتتىق جوباسى اياسىندا مەديتسينالىق مەكەمەلەردى سالۋ جانە جاڭعىرتۋ ءۇشىن ۇكىمەت رەزەرۆىنەن 39,9 ملرد تەڭگە ءبولدى، دەپ حابارلادى پرەمەر-ءمينيستردىڭ ءباسپاسوز قىزمەتى.

ۇلتتىق جوبادا 655 مەديتسينالىق-سانيتاريالىق العاشقى كومەك (مساك) نىساندارىن سالۋ مەن ورتالىق اۋداندىق اۋرۋحانالاردى جاڭعىرتۋ كوزدەلگەن.

سونىمەن قاتار بولىنگەن قاراجاتتىڭ ءبىر بولىگى:

ارقالىق وڭىرلىك اۋرۋحاناسى پەرزەنتحاناسىنىڭ عيماراتىنداعى كۇردەلى جوندەۋ جۇمىستارىن اياقتاۋعا;

ستەپنوگورسك كوپسالالى قالالىق اۋرۋحاناسىنىڭ ەكى بلوگىن كۇردەلى جوندەۋگە;

اتباسار كوپسالالى اۋدانارالىق اۋرۋحاناسىنىڭ باس عيماراتىن كۇردەلى جوندەۋگە;

بالقاش قالاسىنىڭ ورتالىق اۋرۋحاناسىن كۇردەلى جوندەۋ جۇمىستارىن باستاۋعا;

بالقاش قالاسىنىڭ كوپسالالى اۋرۋحاناسىنىڭ انگيوگرافيالىق وتا جاسايتىن باس كورپۋسىنا قوسىمشا عيمارات سالۋعا جانە انگيوگرافيالىق قوندىرعىنى ورنالاستىرۋعا;

شيەلى كوپسالالى ورتالىق اۋداندىق اۋرۋحاناسىنىڭ عيماراتىنا قوسىمشا بلوكتى جاپسارلاس سالا وتىرىپ، كۇردەلى جوندەۋگە جانە سول جەردە 30 توسەك-ورىنعا ارنالعان جۇقپالى اۋرۋلار بولىمشەسىنىڭ قۇرىلىسىنا اۋدارىلادى.

Abai.kz