توقاەۆ قاۋىپسىزدىك كەڭەسىنىڭ وتىرىسىن وتكىزدى
مەملەكەت باسشىسى قاۋىپسىزدىك كەڭەسىنىڭ وتىرىسىن وتكىزدى. بۇل تۋرالى اقوردانىڭ تەلەگرام ارناسى حابارلادى.
پرەزيدەنت قاسىم-جومارت توقاەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ كەزەكتى وتىرىسى ءوتتى.
جيىن بارىسىندا تەرروريزم مەن ەكسترەميزمگە قارسى ءىس-قيمىل سالاسىنداعى جۇمىستاردىڭ تيىمدىلىگىن ارتتىرۋ ماسەلەلەرى قاراستىرىلدى.
ۇلتتىق قاۋىپسىزدىك كوميتەتىنىڭ توراعاسى ەرمەك ساعىمباەۆ بايانداما جاسادى. سونىمەن قاتار بىرقاتار سالالىق مەملەكەتتىك ورگانداردىڭ باسشىلارى مالىمەت بەردى.
مەملەكەت باسشىسى ەكسترەميستىك ارەكەتتەردىڭ العىشارتتارىن انىقتاپ، ولاردىڭ الدىن الۋ، حالىقارالىق تەرروريزمنىڭ تارالۋىنا جول بەرمەۋ، سونىڭ ىشىندە زاڭنامالىق جانە ۇيىمداستىرۋشىلىق بازانى جەتىلدىرۋ، دۇرىس اقپاراتتىق ساياساتتى ىسكە اسىرۋ جونىندەگى كەشەندى تاسىلدەردىڭ ماڭىزدى ەكەنىن اتاپ ءوتتى.
وتىرىس سوڭىندا مەملەكەتتىك ورگاندارعا ناقتى تاپسىرمالار بەرىلدى.
Abai.kz
