بۇگىن قازاقستان جازۋشىلار وداعى «ASSYLTAS» قوعامدىق قورىمەن بىرلەسىپ، «ارۋاققا تاعزىم» ءىس-شاراسىن وتكىزدى.

تاڭمەن كەڭساي زيراتىنا بارعان ءبىر توپ ازاماتتار دۇنيەدەن وتكەندەردىڭ باسىنا زيارات ەتىپ، قۇران باعىشتادى، ارتىنان مارقۇمدارعا ارنالىپ اس بەرىلدى.

«ءولى رازى بولماي، ءتىرى بايىماس» دەگەندەي، بۇگىن جىلداعى ءداستۇر بويىنشا ساياسي قۋعىن سۇرگىندەردى ەسكە الۋ كۇنىندە كەڭسايدا جاتقان مارقۇمداردى ءتاۋ ەتتىك. «ارۋاققا تاعزىم» جوباسى اياسىندا ەندى ەكسپەديتسيالىق توپ بولىپ، كيەلى تۇركىستان، اۋليەلەر جاتقان مەكەن ماڭعىستاۋعا، شىعىس پەن سولتۇستىكتە جەرلەنگەن ازاماتتارىمىزدىڭ باسىنا بارۋ ءۇشىن جولعا شىعامىز»، - دەدى قر جازۋشىلار وداعى توراعاسىنىڭ ورىنباسارى بەيبىت سارىباي.

ەكسپەديتسيالىق توپتى بەلگىلى اقىن، تەلەجۇرگىزۋشى باقىت بەدەلحان باستاپ بارماقشى. الداعى ۋاقىتتا اتالمىش شارا كەڭەيتىلگەن كولەمدە جالعاسپاق.

Abai.kz