قازاقستان حالىق پارتياسىنىڭ توراعاسى ەرمۇحامەد ەرتىسباەۆتىڭ مالىمدەۋىنشە 17 مامىر كۇنى بيشىمباەۆ ءىسى بويىنشا القا بيلەرگە 200 ميلليون تەڭگە پارا بەرمەك بولعان ايەل ۇستالدى. بۇل تۋرالى Abai.kz حابارلايدى.

ايتبەك امانگەلدىنىڭ سۇحباتتارىنىڭ بىرىندە ۇستالعان ايەل تۋرالى ءسوز بولعان. نۋكەنوۆانىڭ اعاسى ايتىپ وتىرعان ايەل بىلتىر قازاندا بيشىمباەۆ بالا قاعىپ ولتىرگەنىن ايتتى دەپ ءبولىستى.

ەرتىسباەۆ بۇل جالعان اقپارات ەكەنىن، ءىىم بۇل اقپاراتتى رەسمي جوققا شىعارعانىن ايتادى.

«مەنىڭ دەرەككوزدەرىمنىڭ مالىمەتىنشە، ۇستالعان ايەل تەرگەۋدە ەشقانداي اقپارات بەرمەي، ونىڭ ارتىندا دوكەيلەر تۇرعانىن ايتادى. سوندىقتان بيشىمباەۆقا قاتىستى سوت ءالى اياقتالعان جوق. الدا ءالى كۇتپەگەن جايتتار بولادى. ەگەر ول اقشا سوتتىڭ شەشىمىنە اسەر ەتۋگە ارنالعان بولسا القابيلەردىڭ شەشىمىنە كۇمان كەلۋى مۇمكىن. بۇل تەك بولجام. انتيكوردىڭ بۇل ءىس بويىنشا رەسمي جاۋابىن كۇتۋ كەرەك» دەدى ەرتىسباەۆ.

Abai.kz