الەۋمەتتىك جەلىلەردە كەنەسارى حاننىڭ باسسۇيەگىنىڭ فوتوسۋرەتى پايدا بولدى. بۇل سەنساتسيالىق سۋرەتتى Facebookكە جۋرناليست، «ەگەمەن قازاقستان» گازەتىنىڭ قىزىلوردا ءوڭىرى بويىنشا مەنشىكتى ءتىلشىسى ەرجان بايتىلەس سالىپتى.

وعان «حابار» ارناسىنىڭ وقو بويىنشا مەنشىكتى ءتىلىشسى، جۋرناليست بولات كوكەنايۇلى كورسەتكەن ەكەن. بولات كوكەنايۇلىنا دا ءوز كەزەگىندە بۇل سۋرەتتى WhatsApp ارقىلى ءبىر دوسى جىبەرگەن.

ەندى سۋرەتكە نازار اۋدارايىق.

سۋرەتتە كۇلسالعىشقا اينالعان قازاقتىڭ سوڭعى حانىنىڭ باسسۇيەگى تۇر. جوعارعى جاعىن كۇمىس نە تەمىرمەن جيەكتەپ، قاپتاپ شىعىپتى.

باستى ارنايى تەمىر قوندىرعىعا قويىپتى. الدىڭعى كۇرەك تىستەرى تۇگەل، ساۋ.

فوتوسۋرەتتە سارعىش تارتقان بەلگى-قاعازعا "كەنەسارى حان كاسىموۆ، پوسلەدني رازبوينيك كيرگيزكوي ستەپي 1837-1847 جج. " دەگەن جازۋ تۇر. بۇل جىلدار كەنەسارى حان باستاعان ۇلت-ازاتتىق كوتەرىلىستىڭ بولعان جىلدارى ەكەنى ءمالىم.

اتالىپ وتىرعان باسسۇيەك مۇراجايلارعا ءتان اينەكتىڭ ىشىندە ساقتاۋلى تۇر. قاسىندا تاعى ءبىر باسسۇيەكتىڭ شەتى كورىنەدى. باسسۇيەك تەلەفوننىڭ كامەراسىمەن تۇسىرىلگەن. اينەكتەن تەلەفوننىڭ سۇلباسى بايقالادى.

ەگەر بۇل شىنىمەن كەنەسارى حاننىڭ باسى بولسا، ول قاي مۇراعاتتا نەمەسە قاي مۇراجايدا بۇلاي اشىقتان اشىق تۇرۋى مۇمكىن. قانشا سايلانىپ شىققان ەكسپەديتسيا تابا الماي قويعان بۇل كيەلى دۇنيەنى كىم وسىلاي ەركىن كورە الدى؟

الدە بۇل قازاققا قارسى، جات پيعىلدىڭ ارەكەتى مە؟ مۇمكىن قازاقتى مازاقتاپ، فوتوشوپ ارقىلى جاساعان قورلاۋى ما؟ الدە شىندىق پا؟ كىم انىقتاي الادى مۇنى؟

ۇلت پورتالى - http://www.ult.kz/

تاقىرىپ وزگەرتىلىپ الىندى. تۇپنۇسقاداعى تاقىرىپ: كەنەسارى حاننىڭ باسى ما بۇل؟