جامبىل وبلىسىنىڭ پوليتسيا دەپارتامەنتى اتا-انالاردى جازعى دەمالىس كەزىندە بالالاردىڭ بوس ۋاقىتىن قاداعالاۋعا شاقىرادى جانە ولاردى ەسىرتكى كۋرەرلەرى رەتىندە جالداۋ قاۋپى تۋرالى ەسكەرتەدى.

جىل باسىنان بەرى جامبىلدىق پوليتسەيلەر سوڭى ولىمگە اپاراتىن قوسپالاردى ساتاتىن 201 سايتتى انىقتادى. ديلەرلەر ينتەرنەتتىڭ كومەگىمەن جاسىرىن قويىپ كەتۋشىلەر ارقىلى تىكەلەي بايلانىسسىز ەسىرتكىنى بەرۋ ءادىسىن ورناتتى. ولار تاۋارلاردى الىپ، بەلگىلەنگەن ورىنعا قالدىرادى.

ديلەرلەر جۇمىسشى رەتىندە تەز جانە وڭاي اقشا تاپقىسى كەلەتىن جاستاردى تاڭدايدى. مۇنداي جۇمىستى جاساۋعا قولايسىز وتباسىلاردان شىققان بالالارمەن قاتار، ءساتتى وتباسىنىڭ بالالارى دا كەلىسەدى. سوڭعىلار ءۇشىن بۇل كۆەست سەكىلدى ويىننىڭ نەمەسە ۋاقىت وتكىزۋدىڭ ءبىر ءتۇرى. ال ءىس جۇزىندە بارلىعى ۇزاق مەرزىمدى تۇرمەمەن اياقتالادى.

5 ايدا وبلىستا 12 ەسىرتكى قويىپ كەتۋشى ۇستالدى، 1 كەلى 625 گرامم سينتەتيكا تاركىلەندى. اۋقىمىن ءتۇسىنۋ ءۇشىن – بۇل شامامەن 4500 ءبىر رەتتىك دوزا بولىپ تابىلادى.

- جازعى دەمالىس كەزىندە وقۋشىلار، ستۋدەنتتەر مەن قالاعا قوناققا كەلگەن تۋىستار قيىن ەمەس جۇمىس تاۋىپ، قوسىمشا اقشا تاپقىسى كەلەدى. اتا-انالاردى بالالاردىڭ كۇماندى نەمەسە كۇرت وزگەرگەن مىنەز-قۇلقىنا ۋاقىتىندا نازار اۋدارۋعا شاقىرامىز، - دەدى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى ءالىم باجىقباەۆ تۇرعىندارعا.

ول بەلگىلەردىڭ ءبىرى – ءسىزدىڭ بالاڭىز كەش جۇرەدى. ادەتتە، سينتەتيكا قويۋشىلار كۇنىنە قالانىڭ ءار تۇكپىرىندە 15-20 جاسىرىن ورىن قالدىرادى.

ەسىرتكىلەردى قالدىرۋدىڭ ەڭ كوپ تارالعان ورىندارى – تۇرعىن ۇيلەردىڭ كىرەبەرىستەرى، ورىندىقتار، ەلەكتر قالقاندارى، ويىن الاڭدارى مەن گۇلزارلار. بۇل ورىندارداعى فوتوسۋرەتتەر "جۇمىس بەرۋشىگە" جىبەرۋ ءۇشىن ەسىرتكى قويۋشىلاردىڭ تەلەفونىندا بولۋ كەرەك.

مۇنى جۇزەگە اسىرۋعا ارنالعان قۇرىلعىلار – بەكىتكىشى بار پاكەتتەر مەن سكوتچ. سونداي-اق، ولاردا ماگنيتتەر بولادى – ونى تۇتىنۋشى ءونىمدى كەز-كەلگەن مەتالل قۇرىلىمىنان شەشىپ الۋ ءۇشىن قولدانادى.

بالاڭىزبەن بيتكوين تاقىرىبىندا سويلەسىڭىز. كوبىنەسە تولەمدى كريپتوۆاليۋتادا الادى. ەگەر اقشانىڭ قالاي پايدا بولعانىن ايتۋدى قالامايتىن نەمەسە تۇسىندىرە المايتىن بولسا، وندا نازار اۋدارۋ قاجەت بولادى.

- سونداي-اق ەسىرتكى قويۋشىلاردى جاسىرىن قورقىنىشى ءبىلدىرىپ تۇرادى. ولار وزدەرىن ادەتتەگىدەي ەمەس، تىم اسىعىس نەمەسە كەرىسىنشە كۇماندى باياۋ ۇستايدى. وزدەرىنىڭ حوببيىنە دەگەن قىزىعۋشىلىقتارىن جوعالتادى، كوبىنەسە اگرەسسيۆتىلىك تانىتادى. سوندىقتان ءبىز اتا-انالاردان بالالارىنىڭ مىنەز-قۇلقىنداعى وزگەرىستەردى مۇقيات باقىلاۋدى سۇرايمىز، - دەپ قورىتىندىلادى ءا.باجىقباەۆ.

Abai.kz