كوللەدجگە ارنالعان ءبىلىم كۆوتاسىنىڭ مولشەرى وزگەرەدى. ەندى بيىلدان باستاپ اسكەردە قىزمەت ەتكەن جاستارعا تۇڭعىش رەت كۆوتا قاراستىرىلادى. بۇل تۋرالى Abai.kz حابارلايدى.

 وقۋ-اعارتۋ مينيسترلىگى كوللەدجدە گرانتپەن وقۋعا ارنالعان كۆوتا تۇرلەرىنىڭ جاڭا ءتىزىمىنىڭ جوباسىمەن تانىستىردى.

•  بىرىنشى نەمەسە ەكىنشى توپتاعى مۇگەدەكتىگى بار ادامدار، بالا كەزىنەن مۇگەدەكتىگى بار ادامدار، مۇگەدەكتىگى بار بالالار اراسىنان شىققان ازاماتتار ءۇشىن – 10 پايىز (بۇعان دەيىن 1 پايىز عانا بولعان);
• باسقا مەملەكەتتەردiڭ اۋماعىنداعى ۇرىس قيمىلدارىنىڭ ارداگەرلەرى، جەڭىلدىكتەر بويىنشا ۇوس ارداگەرلەرىنە تەڭەستىرىلگەن ارداگەرلەر ءۇشىن – 0,5 پايىز;
• اۋىلدىڭ الەۋمەتتىك-ەكونوميكالىق دامۋىن ايقىندايتىن ءبىلىم بەرۋ باعدارلامالارى بويىنشا وقۋعا اۋىل جاستارى اراسىنان شىققان ازاماتتار ءۇشىن – 35 پايىز;
• قر ازاماتتارى بولىپ تابىلمايتىن ۇلتى قازاق ادامدار ءۇشىن – 4 پايىز;
• جەتىم بالالار جانە اتا-انالارىنىڭ قامقورلىعىنسىز قالعان بالالار، سونداي-اق كامەلەتتىك جاسقا تولعانعا دەيىن اتا-اناسىنان ايىرىلعان نەمەسە اتا-اناسىنىڭ قامقورلىعىنسىز قالعان جاستار قاتارىنداعى قر ازاماتتارى ءۇشىن – 1 پايىز;
• قر ۇكىمەتى ايقىنداعان وڭىرلەرگە قونىس اۋدارعان اۋىل جاستارى اراسىنان شىققان قر ازاماتتارى ءۇشىن – 5 پايىز;
• كامەلەتكە تولماعان ءتورت جانە ودان كوپ بالا تاربيەلەپ وتىرعان وتباسىلارداعى بالالار ءۇشىن – 5 پايىز;
• كەمىندە ءۇش جىل تولىق ەمەس وتباسى مارتەبەسى بار وتباسىلارداعى بالالار ءۇشىن – 1 پايىز;
• بالا كەزىنەن مۇگەدەكتىگى بار بالالاردى، ءبىرىنشى نەمەسە ەكىنشى توپتاعى مۇگەدەكتىگى بار ادامداردى تاربيەلەپ وتىرعان وتباسىلارداعى بالالار ءۇشىن – 5 پايىز (بۇعان دەيىن 1 پايىز عانا بولعان);
• اسكەرگە شاقىرۋ بويىنشا مەرزىمدى اسكەري قىزمەتتىڭ بەلگىلەنگەن مەرزىمىن وتكەرگەن قر ازاماتتارى ءۇشىن – 1 پايىز (بۇعان دەيىن مۇنداي كۆوتا ءتۇرى بولماعان).  

جاريا تالقىلاۋ مەرزىمى 24 ماۋسىمعا دەيىن.

"وسى بۇيرىق العاش رەسمي جاريالانعان كۇنىنەن باستاپ قولدانىسقا ەنگىزىلەدى" دەلىنگەن بۇيرىق جوباسىندا. سايكەسىنشە، جاڭا كۆوتالار بيىلعى ۇمىتكەرلەر ءۇشىن دە قولدانىلادى. 

Abai.kz