بيىل ەلىمىز بىرىڭعاي ۋاقىت بەلدەۋىنە كوشكەن بولاتىن. الايدا تۋىنداعان قولايسىزدىقتار ءۇشىن بۇرىن قولدانىستا بولعان ۋاقىت بەلدەۋىن قايتارۋ جونىندەگى پەتيتسيا جاريالاندى.

 «E-Petition.kz» رەسمي پورتالىندا جاريالانعان پەتيتسيا رەسمي قاراۋ ءۇشىن قاجەت قول جينادى.

قر ارپك-ءنىڭ 90-4 بابىنا سايكەس، 50 مىڭ قول قويۋ شەگىنە جەتكەننەن كەيىن قر ساۋدا جانە ينتەگراتسيا مينيسترلىگى ءوتىنىشتى قاراۋعا قابىلدادى.

"قر ارپك-ءنىڭ 90-5 بابىنا سايكەس، پەتيتسيانى قاراۋ مەرزىمى تىركەلگەن ساتتەن باستاپ 40 جۇمىس كۇندى قۇرايدى. قر ساۋدا جانە ينتەگراتسيا مينيسترلىگى مۇددەلى تاراپتاردىڭ، مەملەكەتتىك ورگاندار مەن قوعامدىق بىرلەستىكتەردىڭ وكىلدەرىن قوسا جۇمىس توبىنىڭ جۇمىسىن ۇيىمداستىرادى. ءوتىنىشتى قاراۋ پروتسەسى زاڭناما تالاپتارىنا سايكەس جۇرگىزىلەدى", – دەلىنگەن مينيسترلىكتىڭ مالىمدەمەسىندە.

Abai.kz