الماتىدا 2023 جىلى 8,3 مىڭنان استام وقۋشىنى مەكتەپ اۆتوبۋستارى تاسىمالداعان. 

«مەكتەپ اۆتوبۋسى» جوباسى اياسىندا 2023 جىلدىڭ قورىتىندىسى بويىنشا مەگاپوليستە 30 مەكتەپتەن 8,3 مىڭ وقۋشىنى 97 جاڭا اۆتوبۋس تاسىمالدادى. بۇل تۋرالى الماتى ءماسليحاتىنىڭ كەزەكتى ءحىح سەسسياسىندا قالالىق قارجى باسقارماسىنىڭ باسشىسى قانات سۋحامبەكوۆ مالىمدەدى.

ەستەرىڭىزگە سالا كەتەيىك، الماتى قالاسى اكىمىنىڭ تاپسىرماسى بويىنشا وقۋشىلاردى تاسىمالداۋدىڭ جايلىلىعى مەن قاۋىپسىزدىگىن ارتتىرۋ ماقساتىندا 2023 جىلدان باستاپ اكىمدىكتىڭ جوبالىق ءوفيسىنىڭ قولداۋىمەن «مەكتەپ اۆتوبۋسى» جوباسى ىسكە اسىرىلۋدا. جوبا مەكتەپتەردەن الىس تۇراتىن تومەگى سىنىپ وقۋشىلارىن قامتيدى. ونى جۇزەگە اسىرۋ ءۇشىن قالا 2023 جىلى 100 ارنايى اۆتوبۋس ساتىپ الدى. اعىمداعى جىلى تاعى 100 اۆتوبۋس ساتىپ الىپ، مەگاپوليستىڭ قوسىمشا 27 مەكتەبىن قامتۋ جوسپارلانۋدا.

Abai.kz