قازاقستان پارلامەنتىندە قوعامدىق ورىنداردا ءدىني كيىم كيۋگە تىيىم سالۋ ماسەلەسى قارالۋى مۇمكىن. بۇل تۋرالى ءماجىلىس دەپۋتاتى ەرمۇرات باپي ايتتى.

ماجىلىسمەننىڭ ايتۋىنشا، قوعامدا ءدىني كيىم كيۋگە تىيىم سالۋ ماسەلەسى وزەكتى بولىپ وتىر.

«قازىر ءبىز ءۇشىن ەڭ ماڭىزدى ماسەلە – ەلىمىزدىڭ ۇلتتىق مۇددەسىن، ۇلتتىق سالت-ءداستۇردى، ۇلتتىق مادەنيەتتى ساقتاۋ. ال قازىرگى جاعدايدى قاراساڭىز، قوعامدا قارا كيىنگەن قازاقتار كوبەيىپ كەتتى. بۇل جاعداي ءبىزدىڭ بولاشاق ۇلتتىق مۇددەمىزگە ۇلكەن زيانىن تيگىزەدى»، – دەدى ماجىلىسمەن.

دەپۋتاتتىڭ ايتۋىنشا، ءتيىستى زاڭ جوباسى الداعى سەسسيادا پارلامەنتكە ەنگىزىلەتىن بولادى.

«سوندىقتان ءبىز، ءبىر توپ دەپۋتاتتار، وسىنداي زاڭ جوباسىن دايىندادىق. كۇزگى سەسسيادا پارلامەنتكە ۇسىنىلادى. قوعامداعى حيدجاب، نيكاب جانە باسقا دا ءدىني كيىمدەر ماسەلەسى ونى قابىلداعاننان كەيىن شەشىمىن تابادى دەپ ويلايمىن. سوندا ءدىني كيىم (كيۋ – شامامەن) ماسەلەسىن ايتەۋىر رەتتەپ الاتىن شىعارمىز»، – دەپ تۇيىندەدى ول.

Abai.kz