بقو اكىمدىگى ورال قالاسىنداعى سۋ تاسقىنىنان جالعىز باسپاناسى جارامسىز دەپ تانىلعان تاعى 12 ساياجاي تۇرعىنى باسپانالى بولعانىن حابارلادى.

ۇكىمەت باسشىسىنىڭ تاپسىرماسىنا سايكەس، قارجىلىق ۇيىمدار مەن دەمەۋشىلەر وڭىردەگى زارداپ شەككەن تۇرعىندارعا قول ۇشىن سوزىپ، كومەگىن بەرۋدە.

جالعىز باسپاناسىنان ايرىلعان ايناش سامەنوۆا دا بۇگىن جاڭا پاتەر يەسى اتاندى.

"2017 جىلى كوماروۆو ساياجايىنان ءۇي سالىپ، وتباسىمىزبەن تۇرىپ جاتقان ەدىك. كوكتەمگى تاسقىن كەزىندە ءۇيىمىزدى سۋ باستى. قازىر، مىنە، جاڭا پاتەردىڭ كىلتىن قولىمىزعا الدىق. قالانىڭ ورتالىعىندا جاڭا ۇيدە تۇرامىز دەپ كۇتكەن جوقپىز. وسىنداي جاعداي جاساعان مەملەكەت باسشىسىنا العىسىمدى بىلدىرەمىن", – دەدى ايناش سامەنوۆا.

Abai.kz