تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ Telegram كومپانياسىنىڭ باسشىسى پاۆەل دۋروۆتى قازاقستانعا شاقىرعانىن ايتتى، دەپ حابارلايدى Abai.kz.

پاۆەل دۋروۆ جاقىندا قىرعىزستانعا بارعان. وسى ءساتتى پايدالانىپ ماديەۆ دۋروۆتى تالقىلايتىن ماسەلەلەر بارىن ايتىپ، قازاقستانعا شاقىرعان.

ءيا، ونىڭ ىستىقكولگە بارعانىنان حاباردارمىن. ونىڭ كومانداسىن جەكە بىلەمىن. مەن پاۆەل دۋروۆتى ءالى كەزدەستىرگەن جوقپىن. نەگىزىندە، ماعان شاقىرۋىم وعان جەتكىزىلدى دەپ سەندىردى. بولاشاقتا ول قازاقستانعا كەلەدى دەپ ويلايمىن. بۇل ءۇشىن جەكە ءوزىم كۇش سالامىن. تالقىلايتىن نارسە بار. Telegram – جوعارى تەحنولوگيالىق كومپانيا. جاقىندا ولار كومپانيالاردى بىرىكتىرۋ بويىنشا بىرقاتار باستامانى جاريالادى جانە بلوكچەين قوسىمشالارىنا ارنالعان پلاتفورمانى ىسكە قوسۋدا. ءبىز جۇمىس ىستەيمىز، - دەدى مينيستر.

Abai.kz